OSK otyrysynda úsh másele qaraldy

Otyrysqa Abaı, Jetisý jáne Ulytaý oblystarynyń aýmaqtyq saılaý komıssııalarynyń tóraǵalary qatysty.

Otyrystyń kún tártibinde úsh másele qaraldy:

1) «Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattyǵyna kandıdattardy usyný jáne tirkeý qorytyndylary týraly»;

2) «2022 jylǵy 24 tamyzǵa taǵaıyn­dalǵan Abaı, Jetisý jáne Ulytaý oblys­tarynan Qazaqstan Respýblıkasy Par­lamenti Senatynyń depýtattaryn saılaý jónindegi daýys berýge arnalǵan saılaý bıýlletenderin daıyndaý týraly»;

3) «2022 jylǵy 24 tamyzǵa taǵaıyn­dalǵan Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saı­laýdy ótkizý kezinde Qazaqstan Respýb­lıkasy Ortalyq saılaý komıssııasynyń ınternet-resýrsy fýnksıonalyn paıdalaný reglamentin bekitý týraly».

Ortsaılaýkom Tóraǵasy Nurlan Áb­dirov otyrysty asha otyryp, Qazaqstan Res­pýblıkasy Parlamenti Senatynyń depýtattaryn saılaý jónindegi naýqan barysymen qysqasha tanystyryp ótti.

Kún tártibindegi birinshi másele boıyn­sha Abaı, Jetisý jáne Ulytaý oblys­tarynyń aýmaqtyq saılaý ko­mıssııa­larynyń tóraǵalary Qazaqstan Res­pýb­lıkasy Parlamenti Senatynyń depý­tattyǵyna kandıdattardy usyný jáne tirkeý qorytyndylary týraly baıan­dady.

Barlyǵy 6 mandatqa úsh óńirden 33 kandıdat usynyldy. Barlyq kandıdattar ózin-ózi usyný tártibimen usynylǵan, onyń ishinde Jetisý oblysynda 2 kandıdatty osy oblystyń Alakól jáne Kerbulaq aýdandyq máslıhattary usyn­dy. Jetisý oblysynda bir kandıdat tir­kelgenge deıin óz ótinishi boıynsha kandı­datýrasyn alyp tastady. Qyzmet salalary boıynsha: usy­nylǵan 31 kandıdattyń 10-y kommersııa­lyq qurylymdardyń qyzmetkerleri; 12-si ákimder men máslıhattar apparattarynyń qyzmetkerleri; 8-i memlekettik kásip­oryndardyń, mekemelerdiń, uıymdardyń qyzmetkerleri; 1-eýi saıası partııa men ÚEU qyzmet etedi. Partııaǵa qatystylyǵy boıynsha: 24-i Amanat partııasynyń músheleri; 1-eýi «Aq jol» QDP múshesi; 2-eýi partııa­syz; 4-eýi partııaǵa qatystylyǵyn kór­set­pegen. Genderlik quramy boıynsha: 10 áıel jáne 21 er adam.

Barlyq kandıdattyń zańnama talaptaryna sáıkestigi tekserildi.

«Qazaqstan Respýblıkasyndaǵy saılaý týraly» Konstıtýsııalyq Zańnyń 73-babyna sáıkes kandıdattardy tirkeý mynadaı qujattar bolǵan kezde júzege asyrylady:

1) depýtattyqqa kandıdat bolyp da­ýys­qa túsý nıeti (kelisimi) týraly ótinish;

2) kandıdatty qoldap, tańdaý­shy­lardyń qoıǵan qoldaryn tekserý nátı­jeleri týraly oblystyq saılaý komıs­sııasynyń hattamasy;

3) kandıdat týraly ómirbaıandyq derekter;

4) kandıdat pen onyń zaıybynyń (jubaıynyń) aktıvteri men mindet­te­meleri týraly deklarasııalar tapsyrǵany týraly memlekettik kiris organynyń anyqtamasy;

5) kandıdattyń saılaý jarnasyn engizgenin rastaıtyn qujat.

Usynylǵan 31 kandıdattyń: 10-y tirkeýge qajetti barlyq qujatty usyn­baǵany; 3-eýi ózderin qoldaýǵa qajetti qol sanyn usynbaǵany anyqtaldy.

2022 jylǵy 3 tamyzdaǵy jaǵdaı boıynsha barlyǵy 18 kandıdat tirkelgen (ár oblystan 6 adamnan). Qyzmet salalary boıynsha: 11-i ákimder men máslıhattar apparat­tarynyń qyzmetkerleri; 4-eýi kommer­sııa­lyq qu­rylymdardyń qyzmetkerleri; 3-eýi mem­lekettik kásiporyndardyń, mekemelerdiń, uıymdardyń qyzmetkerleri. Partııaǵa qatystylyǵy boıynsha: 14-i Amanat partııasynyń músheleri; 4-eýi partııaǵa qatystylyǵyn kórsetpegen. Genderlik quramy boıynsha: 5 áıel jáne 13 er adam.

Abaı, Jetisý jáne Ulytaý ob­lystary­nan Qazaqstan Respýblıkasy Par­la­menti Senatynyń depýtattyǵyna kan­dıdattardy tirkeý 3 tamyzda saǵat 18.00-de aıaqtaldy.

Ekinshi másele boıynsha Ortsaılaýkom múshesi Asylbek Smaǵulov baıandama jasady.

Baıandamaǵa sáıkes, «Qazaqstan Res­pýb­lıkasyndaǵy saılaý týraly» Konstı­týsııalyq zańnyń 12-babynyń 6) tar­maqshasyna sáıkes Qazaqstan Respýb­lıkasy Ortalyq saılaý komıssııasy óz ókilettikterine sáıkes Parlament Senaty depýtattaryn saılaý boıynsha daýys berýge arnalǵan bıýlletenderdiń nysanyn, olardy daıyndaý tártibin, sondaı-aq olardyń qorǵalý dárejesin belgileıdi, sondaı-aq Parlament depýtattaryn saılaý jónindegi saılaý bıýlletenderin daıyndaýdy qamtamasyz etedi.

Saılaý bıýlleteniniń qorǵalý dáre­jesi árbir saılaý naýqany úshin derbes túrde belgilenedi. Ofsettik bas­pa tásilimen basylǵan qorǵaýdyń polı­gra­fııalyq ádisterin, basyp shyǵarý túsin, qarpin jáne basqalaryn kózdeıdi.

Saılaý bıýlletenine memlekettik tildiń álipbılik retimen tegi, aty, ákesiniń aty (eger ol jeke basty kýálandyratyn qujatta kórsetilse) kórsetile otyryp, barlyq tirkelgen kandıdat jáne «Bárine qarsymyn» degen jol engiziledi.

Saılaý týraly Konstıtýsııalyq zań­nyń 37-babyna sáıkes saılaý bıýl­le­tenderi saılaý okrýgin­degi saı­laý­shylardyń (oblys tańdaý­shy­la­ry­nyń) jalpy sanynyń 1 paıyzy rezer­vimen daıyndalady.

Saılaý týraly Konstıtýsııalyq zańnyń talaptaryna sáıkes saılaý bıýlletenderi ornalasqan úı-jaıǵa mór basylady jáne ishki ister organdarynyń kúzetine tapsyrylady.

Saılaý týraly Konstıtýsııalyq Zańnyń 24, 25, 26-baptaryna sáıkes Par­lament Senaty depýtattaryn saılaý jónindegi tańdaýshylardyń tizimderin oblystyq máslıhat hatshysynyń usynýy boıynsha oblystyń aýmaqtyq saılaý komıssııasy jasaıdy.

Tańdaýshylar tizimine oblys aýma­ǵynda ornalasqan máslıhattardyń barlyq depýtattary engiziledi.

Senat depýtattaryn saılaý boıynsha tańdaýshylardyń tizimi tanysý úshin saılaýdan keminde jeti kún buryn jergilikti buqaralyq aqparat quraldarynda jarııalaý jolymen usynylady, sondaı-aq oblys máslıhatynyń ınternet-resýrsynda ornalastyrylady.

Tańdaýshylarǵa saılaý komıs­sııa­synyń úı-jaıynda tizimdermen tanysý, sondaı-aq olarǵa engizilgen tań­daýshylar týraly derekterdiń durys­tyǵyn tekserý múmkindigi qamtamasyz etiledi.

Saılaý týraly Konstıtýsııalyq zańnyń normalaryna súıene otyryp, «2022 jylǵy 24 tamyzǵa taǵaıyndalǵan Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý jó­nindegi daýys berýge arnalǵan saılaý bıýlletenderin daıyndaý týraly» qaýly qabyldandy.

Qaýlyǵa sáıkes, Abaı, Jetisý jáne Ulytaý oblystarynyń saılaý komıssııalaryna 2022 jylǵy 24 tamyzǵa taǵaıyndalǵan Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaý boıynsha daýys berýge arnalǵan saılaý bıýlletenderin tıisti ákimshilik-aýmaqtyq birlik tańdaýshylarynyń sanyna teń mólsherde, tańdaýshylardyń jalpy sanynyń 1 paıyz rezervimen da­ıyn­daý tapsyryldy. Sondaı-aq qaýly­men saılaý bıýlletenderiniń qorǵalý dárejesi belgilendi.

Otyrystyń úshinshi máselesi bo­ıynsha Ortalyq saılaý komıssııasynyń múshesi Shavhat О́temisov baıandama jasady.

Baıandamashy Ortsaılaýkom múshe­leriniń qaraýyna «2022 jylǵy 24 ta­myzǵa taǵaıyndalǵan Abaı, Jetisý jáne Ulytaý oblystarynan Qazaqstan Respýblıkasy Parlamenti Senatynyń depýtattaryn saılaýdy ótkizý kezinde Qazaqstan Respýblıkasy Ortalyq saılaý komıssııasynyń ınternet-resýrsy fýnksıonalyn paıdalaný reglamentin bekitý týraly» qaýly jobasyn shyǵardy.

Qaýlyǵa sáıkes, saılaý prosesine qatysýshylardy Parlament Senatynyń depýtatyn saılaý barysy týraly je­del habardar etý jáne Ortalyq saılaý komıssııasynyń saıtyna tańdaý­shy­lardyń kelýi týraly, daýys berýdiń aldyn ala nátıjeleri týraly naqty ýaqyt rejiminde aqparat berý maqsatynda 2022 jylǵy 24 tamyzda, ıaǵnı daýys berý kúni OSK ınternet-resýrsynyń qosymsha fýnksıonalyn paıdalaný usynylady.

Fýnksıonaldyń paıdalanylýy «Qa­zaqstan Respýblıkasyndaǵy saılaý týraly» Konstıtýsııalyq zańnyń 50-1-babynyń 7-tarmaǵynyń: «elek­trondyq saılaý júıesin osy Konstı­tý­sııalyq zańda reglamenttelmegen bóli­ginde paıdalaný tártibin Ortalyq saılaý komıssııasy belgileıdi» dep kórsetilgen  erejesine negizdelgen.

Bul júıe derbes derekter jáne olardy qorǵaý, aqparattyq qaýipsizdik týraly zańnama talaptaryn saqtaı otyryp iske asyryldy.

Yqtımal kıber-shabýyldarǵa jáne syrttan ruqsatsyz kirý áreketterine qarsy turý maqsatynda ınternet-resýrs paıdalanýshylarynyń qorǵalǵan baılanysyn qamtamasyz etetin derektermen almasý hattamasy (SSL sertıfıkaty) ornatylǵan.

Ortsaılaýkom ınternet-resýrsynyń fýnksıonaly tańdaýshylardy elek­trondyq tirkeýge jáne olardy OSK ınter­net-resýrsynda kórsete otyryp, daýys berýdiń aldyn ala qorytyndylaryn shy­ǵarýǵa arnalǵan.

Daýys berý kúni saılaý ótkizý barysyn jarııalaý maqsatynda Ortalyq saılaý komıssııasy saıtynyń basty betinde tańdaýshylardyń kelý dıagrammasy men daýys berýdiń aldyn ala qorytyndylary kórsetiletin aqparattyq habarlamalar bolady.

Ortalyq saılaý komıssııasynyń tájirıbesinde Qazaqstan Respýblıkasy Parlamenti Senatynyń depýtattaryn saılaýdy elektrondyq súıemeldeý 2017 jyldan bastap júzege asyrylýda jáne 2017 jylǵy 28 maýsymda jáne 2020 jylǵy 12 tamyzda ótkizilgen Qazaqstan Respýblıkasy Parlamenti Senatynyń depýtattaryn kezekti saılaýda, 2018 jylǵy 5 qazanda jáne 2019 jylǵy 24 maý­symda Shymkent qalasynan saılanǵan Qazaqstan Respýblıkasy Parlamenti Senatynyń depýtattaryn saılaýda sátti túrde qoldanyldy. 2022 jylǵy 22 sáýirde ótkizilgen Qazaqstan Respýblıkasy Parlamenti Senatynyń Almaty oblysynan saılanǵan, keıinnen shyǵyp qalǵan depýtatynyń ornyna saılaý kezinde de qoldanyldy.

Otyrys qorytyndysy boıynsha Ortsaılaýkom Tóraǵasy Nurlan Ábdirov aldaǵy ýaqytta Abaı, Jetisý jáne Ulytaý oblystarynan Parlament Senaty depýtattaryn saılaý zańnamaǵa sáıkes, transparenttik jáne básekelestik jaǵdaıynda ótkizilýge tıis ekenin atap ótti.