Otan qorǵaý – qasıetti borysh

7 mamyr – Otan qorǵaýshy kúni

Minsiz qyzmet memleket mereıin ósiredi

Keshe, Otan qorǵaýshy kúni qarsańynda Memleket basshysy Nursultan Nazarbaevtyń Jarlyǵymen áskerı jáne qyzmettik boryshyn atqarý kezinde batyldyq pen janqııarlyq kórsetken bir top áskerı qyzmetshiler, quqyq qorǵaý jáne ulttyq qaýipsizdik organdary qyzmetkerleri Qazaqstan Respýblıkasynyń memlekettik nagradalarymen marapattaldy. Nagradalardy tapsyrý saltanatyna el Prezıdentiniń ózi qatysty. Saltanatty rásim kezinde Pre­zıdent: «Búgin elimizdiń Qarý­ly Kúshteriniń memlekettik mere­kesi qarsańynda Memleket basshysy, Qarýly Kúshterdiń Joǵarǵy Bas qolbas­shysy retinde men sizderdi joǵary memlekettik nagradalarmen marapattaýǵa shaqyryp otyrmyn. Bul – memlekettiń Otan aldyndaǵy minsiz qyzmetterińizdi baǵalaǵany. Bizdiń halqymyz beınettiń de zeıneti bar deıdi. Sizderdiń eńbekterińiz jandy. Memleket mine, sol qajyrly eńbekterińizdi baǵalap otyr. О́zderińizge ordender men medaldar tapsyrý arqyly memleket sizderge óziniń rızashylyǵyn jáne baǵasyn beredi. Árıne, sizder tek qana marapat úshin qyzmet etpeıtinderińizdi bilemiz. Degenmen, eńbekterińiz elený kerek. Sizder eldiń táýelsizdigin, azamattardyń beıbit ómiri men tynyshtyǵyn qorǵap júrsizder. Biz ózderińizge qarap, Qazaqstannyń jarqyn bolashaǵyna senemiz. Atqarǵan eńbekterińizben, júris-turystaryńyzben jastarǵa úlgi bolyp, áskerı jáne qyzmettik paryzdy abyroımen atqaryp, Otanǵa qaltqysyz qyzmet etip kelesizder. Sol úshin barsha Qazaqstan halqy atynan rızashylyǵymyzdy bil­diremiz», dedi. Osylaı deı kele, Elbasy memleket múddesin bıik qoıyp, asqaq murattarǵa adal eńbek etý – árbir patrıottyń isi ekenin jetkizdi jáne qazaq halqynyń ótkendi ónege, búgindi qaster tutatyn, er­teń­gi kúnge úmitpen qaraıtyn ha­lyq ekenine, demek, asyl armandy qa­jyr­ly eńbek, batyl áreket ar­qy­ly júzege asyratynyna toq­taldy. Sondaı-aq, Qazaqstan Prezı­denti óziniń sózinde marapattalǵan áskerıler men quqyq qorǵaý organdary qyzmetkerleri arasynda óz ómirlerin qaterge tigip, adamdardy qutqaryp qalǵan azamattar bar ekenin de aıtyp ótti. «Sizder tek óz qyzmetterińizdi ǵana emes, azamattyq boryshtaryńyzdy da abyroımen atqardyńyzdar, jastarǵa úlgi boldyńyzdar. О́mirde erlikke árdaıym oryn bar ekenin dáleldedińizder. Aralaryńyzda kúsh-qýaty men ýaqytyn aıamastan óz qyzmetinde udaıy úzdik nátıje kórsete otyryp, uzaq jyldar qajyrly eńbek etip kele jatqandar da bar. Otanǵa qaltqysyz qyzmet – azamattyq erlik pen janqııarlylyqtyń shynaıy kórinisi. Barshańyz elikteýge, úlgi alýǵa laıyqtysyzdar, sizderge qarap jastar boı túzeıdi. Sizderdiń isterińiz – óz halqyn súıýdiń jáne oǵan adal bolýdyń úzdik úlgisi», – dedi bul oraıda Nursultan Nazarbaev. Saltanatty rásim kezinde Mem­leket basshysy bolashaqta mara­pat alǵandarǵa zor jaýapker­shilik júkteletinin, olar azamat­tary­myzdyń beıbit ómirin qorǵaı júrip, óskeleń býynǵa úlgi bo­lýǵa tıis ekenin de aıtty. Sony­men, bul kúni Qorǵanys, Ishki ister jáne Tótenshe jaǵdaılar mı­nıstrlikteri, Ulttyq qaýipsizdik komıteti, Memlekettik kúzet qyzmeti, «Syrbar» syrtqy barlaý qyzmeti, Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııasy), Bas prokýratýra jáne «Qazaqstannyń ishki ister organdary men ishki áskerleri ardagerleriniń uıymy» qoǵamdyq birlestiginiń usynystary boıynsha barlyǵy 60 adam túrli marapatqa ıe boldy. Máselen, áskerı jáne qyz­mettik boryshyn úlgili atqarǵany, eldiń ulttyq qaýipsizdigi men qorǵanys qabiletin nyǵaıtýda kórsetken erligi, qajyrlylyǵy úshin marapattalǵan azamattar ishinde II dárejeli «Dańq» or­de­nimen 8 adam, II dárejeli «Aıbyn» ordenimen – 14, III dárejeli «Aıbyn» ordenimen – 7, «Qurmet» ordenimen – 2, «Erligi úshin» medalimen – 8, «Jaýyngerlik er­ligi úshin» medalimen – 18, «Eren eńbegi úshin» medalimen 1 adam marapattalyp, Qazaqstan Res­pýblıkasynyń Qurmet gramotasymen 2 adam atap ótildi. Al saltanatty rásim barysynda II dárejeli «Dańq» ordenimen Ekonomıkalyq qylmysqa jáne sybaılas jemqorlyqqa qarsy kúres agenttigi (qarjy polısııa­sy) tóraǵasynyń orynbasary Ma­rat Ahmetjanov, Ishki ister mı­nıstrligi Qylmystyq-atqarý júıesi komıtetiniń tóraǵasy Baýyr­jan Berdalın, Qorǵanys mı­nıstrligi 68665-áskerı bóliminiń komandıri Almaz Djýmakeev, Aqmola oblysynyń prokýrory Muratbek Isádilov, Tótenshe jaǵ­daılar mınıstrliginiń As­tana qalasy boıynsha tótenshe jaǵdaılar departamentiniń bas­tyǵy Meıram Ysqaqov jáne Qazaqstan Qarýly Kúshteri Áýe qorǵanysy kúshteriniń bas qol­basshysy Nurlan Ormanbetov marapattaldy. II dárejeli «Aıbyn» ordenimen Memlekettik kúzet qyzmeti bas­tyǵy apparatynyń basqarma bas­tyǵy Raýshan Jambylova, Ulttyq qaýipsizdik komıteti departament bastyǵynyń birinshi orynbasary Sergeı Klımchýk, Qorǵanys mınıstrligi 14776-áskerı bólimi komandıriniń orynbasary – bólim ortalyǵynyń bastyǵy Arystan Mu­qataev, Ulttyq qaýipsizdik ko­­mı­teti Shekara qyzmeti jeke avıa­­sııalyq eskadrılıasynyń ko­mandıri Erbolat Smaǵulov marapattaldy. III dárejeli «Aıbyn» orde­nimen Ishki ister mınıstrligi Ish­ki áskerler «Ońtústik» óńirlik qol­basshylyǵy 7552-áskerı bóli­mi atqyshtar batalonynyń bó­limshe komandıri Jandos Baıan­baev, Qorǵanys mınıstrligi 53898-áskerı bólimi avıasııalyq es­kadrılıasynyń (jeńil reaktıvti ushaqtar) aǵa avıasııa mehanıgi Batyrjan Moınov, Tótenshe jaǵ­daılar mınıstrligi Aqmola ob­lysy tótenshe jaǵdaılar de­par­tamenti «О́rt sóndirý jáne apattyq-qutqarý jumystary qyzmeti» MM Kókshetaý qalasy №1 mamandandyrylǵan órt són­dirý bóliminiń júrgizýshisi Iýrıı Novoselsev, 0112-áskerı bó­liminiń bólimshe komandıri Ǵalymjan Toıshybaev nagradtaldy. «Erligi úshin» medalimen Qorǵanys mınıstrligi 64471-ás­kerı bóliminiń aǵa ofıseri Ol­jas Baýken, Tótenshe jaǵdaılar mı­nıstrligi Qaraǵandy oblysy tótenshe jaǵdaılar departamenti «О́rt sóndirý jáne avarııalyq-qutqarý jumystary qyzmeti» MM órt sóndirý kezekshi qyzmeti jetekshisiniń kómekshisi Maqsat Dúısenbaev, Pavlodar oblysy ishki ister departamenti Pavlodar qalasy ishki ister basqarmasy jol-patrýldik polısııa batalonynyń vzvod komandıriniń orynbasary Esen Nurǵalıev, al «Jaýyngerlik erligi úshin» medalimen Qorǵanys mınıstrligi 74884-áskerı bóli­miniń komandıri Arman Asan­baı, Qorǵanys mınıstrligi 65229-áskerı bólimi avıasııalyq es­kadrılıasy (áskerı-kóliktik avıa­sııa) komandıriniń orynbasary Dmıtrıı Gros, Ulttyq qaýipsizdik komıteti Qostanaı oblysy boıynsha departamentiniń basqarma bastyǵy Iýrıı Evdokımov marapattaldy. Marapatqa ıe bolǵan azamattar óz kezeginde Qazaqstan Pre­zıdentine joǵary senimi men qoldaýy úshin alǵystaryn bildirdi. Sondaı-aq, elimizge qaltqysyz qyz­met etýge, kásibı deńgeıi men sheberlikterin arttyrýǵa, mem­lekettiń egemendigi men Qazaq­stannyń beıbit aspanyn qorǵaýǵa árqashan ázir ekendikterin jet­­kizdi. Máselen, Qorǵanys mı­nıstrligi 68665-áskerı bóliminiń komandıri Almaz Djýmakeev ózderine kórsetilgen senim úshin Elbasyna alǵysyn bildire otyryp, memleket pen onyń halyq úshin janqııarlyqpen eńbek ete­tindikterin jetkizdi. Al Qazaq­stannyń Qarýly Kúshteri Áýe qorǵanysy kúshteriniń bas qol­basshysy Nurlan Ormanbetov Elbasyna qarata aıtqan sózinde: «Sizdiń qolyńyzdan joǵary mem­lekettik marapatty alý – men úshin úlken abyroı. Biz, áýe qorǵanysy kúshteriniń jeke quramy Sizdiń artqan senimińizdi aqtaımyz», dese, Ishki ister mınıstrligi Ishki áskerler «Ońtústik» óńirlik qolbasshylyǵy 7552-áskerı bólimi atqyshtar batalonynyń bólimshe komandıri Jandos Baıanbaev Otanǵa qaltqysyz qyzmet etýge ár ýaqytta daıyn ekendikterin jetkizdi. Láıla EDILQYZY, «Egemen Qazaqstan».