Nur-Sultan qalasynyń Kólik jáne jol-kólik ınfraqurylymyn damytý basqarmasy Jol qozǵalysy qaýipsizdigin qamtamasyz etý úshin Nur-Sultan qalasy PD ákimshilik polısııa basqarmasynyń kelisimi boıynsha Saýran kóshesinde jol tósemin jóndeý bastalǵanyn málim etti, dep habarlaıdy Egemen.kz elorda ákimdiginiń resmı saıtyna silteme jasap.
Jóndeý jumystaryna baılanysty bıyl 10-13 tamyz aralyǵynda Syǵanaq kóshesinen Kereı-Jánibek handar kóshesine deıingi aralyq kólik qozǵalysy úshin tolyq jabylatyn bolady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim suraımyz jáne jóndeý jumystarynyń júrgizilýine túsinistikpen qaraýdy ótinemiz», delingen habarlamada.