Burynǵy Pavlodar oblystyq onkologııalyq dıspanseriniń ornynda dárigerlerge arnalǵan jataqhana salynbaq. Bul týraly О́ńirlik kommýnıkasııalar qyzmetinde ótken baspasóz konferensııasynda Pavlodar oblysynyń densaýlyq saqtaý basqarmasynyń basshysy Aıdar Seıitqazınov málim etti, dep habarlaıdy Egemen.kz.
«Qazir qurylys basqarmasy jobalyq smetalyq qujattamany aıaqtap jatyr. Ol jerde dárigerlerge arnalǵan jataqhana bolady. Bir, eki jáne úsh bólmeli páterler. Jalpy júzden astam páter salynady», dedi Aıdar Seıitqazınov.
Onyń aıtýynsha, birinshi qabatta dárigerlerdiń balalaryna arnalǵan balabaqsha salý josparlanyp otyr.
«Qazir buryn onkologııalyq dıspanser jáne provızorlyq ortalyq bolǵan ǵımarat bos tur. Bul ǵımarat № 3 emhananyń balansynda bolǵandyqtan, osy ǵımaratty saqtaý úshin kúzet qoıylý qajet», dedi ol.
Spıkerdiń aıtýynsha, Dostyq shaǵynaýdanynda jedel medısınalyq járdem qosalqy stansııasynyń qurylysy jáne bastapqy medısınalyq-sanıtarııalyq kómek uıymy boı kóteredi. Ázirshe qurylys ýaqyty belgisiz.