Biz paradqa qatysamyz!

Qazaǵymnyń  el qorǵaǵan sardary!

Baqytbek SMAǴUL, Parlament Májilisiniń depýtaty. О́r keýdesin oqqa tosqan el úshin, Janyn berer, Otan-Ana jer úshin. Táýelsizdik máńgilik el urany Ar- namystyń arqalaǵan jeńisin. Qyran qabaq dushpan mysyn basatyn, Otanyna beıbit nuryn shashatyn. Turaqtylyq, tynyshtyqtyń saqshysy Qazaǵymnyń ofıseri jasasyn. Týǵan eldiń tynyshtyǵyn saqtaǵan, Otan úshin tańǵa kirpik qaqpaǵan. Ofıserler maqtanyshy elimniń, Bergen antyn ar aldynda aqtaǵan. Atyńdy estip ata jaýyń jaırasyn, Baýyrjandar namysyńdy qaırasyn. Saǵadat pen Qasym qaharmandaryń, Talǵat qyran jaýǵa asyrǵan aılasyn. Adamzattyń baqytynyń ólshemi, Árqashanda maqtan tutar el seni. Egemen el, Ertúriktiń erleri – Qazaǵymnyń sertke ustaǵan semseri. Azat eldiń kók baıraǵy qolyńda, Ardy qoıyp eń birinshi orynǵa, Terińdi tók, janyńdy da aıama, Máńgilikke, Máńgi Eldiń jolynda. Jasa-jasa babalardyń armany, Jasa-jasa Táýelsizdik ár tańy. Jasa-jasa, Joǵarǵy Bas qolbasshy – Qazaǵymnyń el qorǵaǵan sardary! Astana. On tórt jyldan beri  ásker qataryndamyn Men «Shyǵys» óńirlik qol­bas­shylyǵyna qarasty áskerı bólimde qyzmet etemin. Qyzdar sapynyń aldyńǵy shebinde júrip, baǵytty bastaıtyn rota komandıri retinde áskerı paradqa osymen ekinshi ret qatysqaly otyrmyn. 2011 jyly ótken áskerı paradta rota komandıri qyzmetin atqarǵan bolatynmyn. Bıylǵy paradta da osy qyzmetime qaıta taǵaıyndaldym. Paradqa qatysýshylardyń turmystyq jaǵdaıy óte jaqsy. Birinshi ret qatysyp otyrǵandarǵa aqylymyzdy aıtyp, kómek qylamyz. Aldyńǵy, ortańǵy nemese aıaq jaǵyndaǵy sapta turǵandardyń shalys basqan qımyly kórinbeı qalady deýge bolmaıdy. Bir shalys basqanyń turmaq, kózqarasyńnyń ózi qaraǵan adamǵa anyq baıqalyp turady. Sondyqtan tártip boıynsha basymyz oń jaq baǵytqa jáne ózimiz sol jaqqa qaraı qarap, baǵdarlap júrýimiz qajet. Oń qaptalda turǵan adam jolymyzdy baǵyttap, bizdi alyp júrip otyrady. Sonyń júrisinen jańy­lys­paýǵa tyrysamyz. Ásker qatarynda on tórt jyldan beri qyzmet etip kelemin. «Shyǵys» óńirlik qolbasshylyǵynan 54 áskerı qyz iriktelip, osy qalaǵa kelgenderdiń tek 28-i ǵana synnan súrinbeı ótip, paradqa qatysý qu­qyna ıe boldy. Ekinshi ret áskerı paradqa qatysyp otyrǵandyǵymdy úlken mártebe sanaımyn. Juldyz Ilııasova,  maıor, áskerı paradqa qatysýshy.

Otanymdy qorǵaý – basty paryzym 

– Marat, áskerı qyzmetker bolýdy tańdapsyń, otbasyńda áskerı adamdar bar ma edi? – Meniń ákem Ahan 20 jylyn áskerı salaǵa arnady. Sonyń ishinde kóp jyl áskerı komıssarıatty basqardy. Qazir zapastaǵy polkovnık, únemi áskerı kıimmen symdaı tartylyp júretin ákemizge qarap áskerı salanyń mamany bolsam dep armandaýshy edim. Bul kúnderi sol armanym iske asyp, táýelsiz Qazaqstannyń Qarýly Kúshteri qataryndaǵy qyzmetimdi abyroıly atqara bastadym. – Joǵary bilimdi qandaı oqý ornynda aldyń? –Túrkistan qalasyndaǵy №15 M.Jumabaev atyndaǵy mektep-gımnazııany bitirgen jyly aldymda san taraý jol turdy. О́z elimizde de birneshe áskerı oqý orny bar ǵoı. Mektepte birge oqyǵan qatarlastarym basqa salany qalap jatty. Degenmen, men Reseı Federasııasy Qorǵanys mınıstrligine qarasty Áskerı ýnıversıtette bilim alýdy qaladym. Onyń ústine Reseı men Qazaqstan arasynda joǵary bilimdi áskerı mamandardy daıarlaý jóninde kelisim jasalǵan eken. Osy kelisimge sáıkes Máskeýdegi Áskerı ýnıversıtetke oqýǵa túsken qazaqstandyq stýdentterge memlekettik oqý granty bólinedi. Mine, osy múmkindikti paıdalanýdy kózdedim. Baǵym bar eken, UBT qorytyndysynda joǵary ball jınadym. Sóıtip, 2007 jyly Máskeýdegi áskerı ýnıversıtetke áleýmettanýshy mamandyǵyna oqýǵa tústim. Osy ýnıversıtette oqı júrip, 2011 jyly qosymsha polıgraf kýrsyn bitirdim. – Alǵashqy ofıserlik qyzmetiń qalaı bastaldy?  – Árıne, qaı salada jumysty bastaý ońaı bolmaıtyn shyǵar. Ásirese, áskerı salanyń tártibine kóndigýge týra keldi. О́ıtkeni, bul ózimniń qalaǵan mamandyǵym ǵoı. Ras, bastapqyda qınalmadym deı almaımyn. Azamat degen atymyz bar, táýelsiz elimizdiń aýmaqtyq tutastyǵyn qorǵaý, tynyshtyǵyn kúzetý, jalpy, Qazaqstannyń memlekettiligin saqtaý biz sekildi búgingi jastardyń paryzy bolýy kerek degen oıǵa bekindim. Muny ákem de, sheshem de, bul kúnderi áskerı salada abyroıly qyzmet etip júrgen aǵalarym da sanama sińire bergen edi. Sol tárbıeniń jemisi bolar, sonymen birge, kókeıimde ábden pisken izgi armanym meni áskerı bólimde qyzmet etýge jeteleı berdi. Sóıtip, 2012 jyldyń tamyzynda Aqtóbe oblysynda ornalasqan áskerı bólimde qyzmetimdi bastadym. Áskerı bólimde maǵan birden úlken jaýapkershilik júktelip, rota komandıriniń tárbıe jáne áleýmettik-quqyq jumystary jónindegi orynbasary laýazymyn atqardym. Aldyńǵy tolqyn aǵa ofıserler aqyl-keńesin berip, áskerı qyzmettiń uńǵyl-shuńǵylyn kóp úıretti. Osy áskerı bólimdegi jumysym meni áskerı ortaǵa tez úırenýime kóp kómegin berdi. – Qazir Atyraýdaǵy áskerı bólimge aýysypsyń, munda qandaı qyzmet atqaryp júrsiń? – Iá, qazir osyndaǵy áskerı bólimge aýysqanyma bir jylǵa jaqyndady. Munda da áskerı salanyń qyr-syryna ábden qanyqqan aǵa býynnyń tájirıbesinen úırenip jatqanym óte kóp. Biz sekildi jas ofıserlerdiń osy salada turaqtap qalýyna «Batys» óńirlik qolbasshylyǵy áskerleriniń qolbasshysy Murat Nuǵymanov sekildi tájirıbeli ofıserler kóp eńbek sińirip keledi. Al atqaratyn qyzmetime toqtalar bolsam, mindetim –áskerı qyzmetke kelisimshartpen kelýshilerdiń tez beıimdelýine psıhologııalyq turǵydan qoldaý kórsetý. Qazir bizdiń áskerı bólimge kelisimshartpen qyzmet etýshiler kelip jatyr. Olardyń báriniń birdeı otbasylyq jaǵdaıy turaqty bolmaýy múmkin, nemese, áskerı qyzmetke shaqyrylǵannan keıin de otbasylyq qıyndyqtar týyndaýy ǵajap emes qoı. Árbir áskerge shaqyrylýshymen jeke sóılesemin, otbasylyq jaǵdaıymen jete tanysamyn. Olardyń problemalyq máselelerin áskerı bólim basshylyǵymen aqyldasa otyryp, oń sheshýge yqpalym tıse, deımin ǵoı. – Áńgimeńe rahmet, eńbegiń jemisti bolsyn. Áńgimelesken Joldasbek ShО́PEǴUL, «Egemen Qazaqstan». Atyraý oblysy.

Paradta  úshinshi ret bolamyn

Áskerı paradqa osymen úshinshi ret qatysatyn bolamyn. Ár jylǵy paradtyń qıyndyǵy men qyzyǵy qosa júretini belgili. Úzdiksiz jattyǵý birte-birte óz nátıjesin berýde. Alǵashqyda aıaǵymyz aýyryp, talyp ketetin. Qazir etimiz ábden úırendi. Degenmen, qatty sharshaısyń. Tek osy bir aýa raıynyń salqyndyǵy bolmasa, jattyǵýymyz jaqsy júrip jatyr. Bastapqy kezdegideı emes, qalypty jaǵdaı sııaqty ábden úırenip aldyq. Shynymdy aıtsam, osy joly da paradqa qatysyp otyrǵanyma qýanyshtymyn. Árkimniń de armany ǵoı dep oılaımyn. Aldaǵy ýaqytta da qatyssam degen nıetim bar. Men – «Ońtústik» óńirlik qolbasshylyǵyna qarasty áskerı bóliminen kelip áskerı paradqa daıyndalyp jatqan áskerı qyzmetshilerdiń birimin. Daıyndyqtyń arqasynda kóp tájirıbe jınaqtaǵanymdy ári áskerı biliktiligimniń artqandyǵyn aıta ketkim keledi. Maral Amantaıqyzy, aǵa leıtenant, áskerı paradqa qatysýshy.