Qazaqstan Respýblıkasynyń Syrtqy ister mınıstri Erlan Ydyrysov BUU-nyń Bosqyndar isi jónindegi Joǵarǵy komıssary basqarmasynyń Ortalyq Azııadaǵy óńirlik ókili Bernard Doılmen kezdesti, dep habarlady QR SIM-iniń baspasóz qyzmeti.
Kezdesý barysynda syrtqy saıasat vedomstvosynyń basshysy B.Doıldy osy joǵary ári jaýapty laýazymǵa taǵaıyndalýymen quttyqtap, Qazaqstan BUU-nyń Bosqyndar isi jónindegi Joǵarǵy komıssary basqarmasyn jahandyq, aımaqtyq jáne ulttyq deńgeılerde bosqyndar quqyqtaryn saqtaý men qorǵaý boıynsha BUU qundylyqtary men maqsattaryn alǵa tartýmen aınalysatyn jetekshi halyqaralyq agenttik retinde qarastyratynyn atap ótti.
E.Ydyrysov BUU-nyń Bosqyndar isi jónindegi Joǵarǵy komıssary basqarmasyna 2013 jylǵy 4-5 maýsym kúnderi Almatyda ótken «Bosqyndardy qorǵaý men halyqaralyq kóshi-qon máseleleri jónindegi 2-shi mınıstrlik konferensııasy: Almaty úderisi» sharasyn uıymdastyrýǵa qosqan úlesi úshin alǵysyn bildirdi.
QR SIM basshysy Qazaqstan BUU-nyń Bosqyndar isi jónindegi Joǵarǵy komıssary basqarmasynyń óńirdegi berik áriptesi bolyp qala berýge jáne kóshi-qon salasyndaǵy barlyq baǵyttar boıynsha ózara yqpaldastyqty keńeıtýge nıetti ekenin jetkizdi.
О́z kezeginde B.Doıl Qazaqstan Úkimetimen tıimdi yntymaqtastyqty nyǵaıtý baǵytynda barlyq kúsh-jigerin salatynyn málimdedi.