Qazaqstan halqy Assambleıasy Tóraǵasynyń orynbasary, Parlament Senatynyń depýtaty Anatolıı Bashmakovtyń bastamasymen Petropavl qurylys-ekonomıka kolledjinde stýdentterdiń beıbitshilik jáne kelisim ortalyǵy quryldy.
Onyń ashylý saltanatyna qatysqan oblystyq assambleıanyń hatshylyq meńgerýshisi Naıl Salımov mundaı úrdis elimizde alǵash ret qolǵa alynyp otyrǵanyn, jastardyń qoǵamdyq belsendiligin arttyrý maqsatymen saraptama toptary jumys isteıtinin jetkizdi.
Akt zalyna jınalǵan oqytýshylar men stýdentter ǵaryshker Aleksandr Vıktorenkomen ótkizilgen telekópirdi tamashalady. A.Bashmakov soltústikqazaqstandyqtar atynan jerlesimizge ystyq sálem joldady. 14 oqý ozatyna A.Vıktorenko atyndaǵy stıpendııalardy tabys etti. Osymen ekinshi ret berilip otyrǵan ataýly dıplomdarǵa bir top ustazdar men áleýmettik áriptes uıymdar ıe boldy.
О́mir ESQALI,
«Egemen Qazaqstan».
Soltústik Qazaqstan oblysy.