Qazaqstan halqy Assambleıasy sizderdi Otan qorǵaýshy kúnimen shyn júrekten quttyqtaıdy!
Bul – shyn máninde jalpyhalyqtyq mereke. Ol patrıottyq dástúrlerimizdiń jalǵastyǵyn, birligimizdi, boryshqa adaldyǵymyzdy, asqaq namysymyz ben aıbyndy áskerimizdi pash etedi.
Biz atalarymyz ben ákelerimizdiń qaısar erlikterin este saqtaı otyryp, elimizdiń qaýipsizdigi men qorǵanysynyń qalqany – batyr ulandarymyzdy maqtan tutamyz. Biz árbirimiz áskerı shepte nemese beıbit qyzmette bolsaq ta, eń aldymen, óz jerimizdiń, otbasymyzdyń, Otanymyz – Qazaqstan Respýblıkasynyń qorǵaýshysymyz.
Otanǵa qyzmet – ejelden qurmetke ıe abyroıly is, al áskerı qyzmet árqashan ózin shyn patrıot dep sanaıtyn bizdiń elimizdiń árbir azamatynyń qasıetti boryshy.
Búgin biz Otanyn qorǵaý jolynda qaltqysyz qyzmet atqaryp júrgen barsha azamattarymyzdy quttyqtaımyz.
Qadirli azamattar!
Qurmetti ardagerler, jaýyngerler, ofıserler jáne barsha Otan qorǵaýshy – abyroıly mamandyqtyń ıeleri sizderge jáne jaqyndaryńyzǵa zor densaýlyq, baqyt, beıbitshilik, yrys pen yntymaq, erlik pen rýhanı kúsh-qýat tileımiz!
Otanymyzdy qorǵaý jolyndaǵy qyzmetterińiz jemisti jáne abyroıly bolsyn!
Árqashan aspanymyz ashyq, jerimiz tynysh, elimiz aman bolsyn!
Qazaqstan halqy Assambleıasy