Keshe AQSh-tyń Sınsınnatı qalasynda tennısten asa iri halyqaralyq týrnır bastaldy. Júlde qory 2 527 250 AQSh dollaryn quraǵan jarysta qos jerlesimiz baq synaýda.
Elimizdiń birinshi jáne álemniń 27-raketkasy Elena Rybakına alǵashqy aınalymda Maıar Sherıfpen sheberlik baıqasady. Mysyr eliniń ókili WTA reıtınginde 60-satyǵa jaıǵasqan. Eger Rybakına Sherıfti utsa, kelesi kezeńde ol kezinde úzdikter tiziminde kósh bastaǵan ıspanııalyq Garbıne Mýgýrýsamen kúsh synasady. Kúni keshe ǵana Torontodaǵy týrnırdiń shırek fınalyna deıin jetken Iýlııa Pýtınseva Medıson Kızben oınaıdy. Qazirgi kezde myqtylar reıtınginde 27-satyǵa jaıǵasqan amerıkalyq tennısshi kezinde US open dodasynyń fınalynda oınasa, bıyl Aýstralııanyń ashyq birinshiliginiń jartylaı fınalyna deıin jetti. Jerlesimizdiń joly bolǵan jaǵdaıda, ıaǵnı ekinshi aınalymda brazılııalyq Beatrıs Haddad-Maı men latvııalyq Elena Ostapenko arasyndaǵy kezesýdiń jeńimpazymen jolyǵady.