1-9 qazan kúnderi ATR 500 serııasy boıynsha Qazaqstanda alǵash ret Astana Open týrnıri ótedi, dep habarlaıdy Egemen.kz.
Qazaqstan tennıs federasııasy aıtýly dodaǵa qatysýshylardy tanystyrýdy álemniń 1-raketkasy, reseılik Danııl Medvedevten bastady.
Danııl 1996 jyly 11 aqpanda Máskeýde dúnıege kelgen. Qazirgi kezde Monte-Karloda (Monako) turady.
Tennıspen alty jasynan aınalysqan D. Medvedev kásipqoı sporttaǵy jolyn 2014 jyly bastady. Sol jyly birneshe ret ITF dodalarynda jeńiske jetti. ATP jarystarynda 2015 jyldan óner kórsetip keledi. Orys, aǵylshyn jáne fransýz tilderinde sóıleıdi. Kógaldaǵy tósenishte oınaǵandy jáne dop qabyldaǵandy jaqsy kóredi. Mıýnhendik «Bavarııa» klýbynyń jankúıeri. Fýtbolshylardan Robert Levandovskı men Davıd Alabany pir tutady.
Danııl 2010 jyly 18 jasqa deıingiler arasynda О́skemen qalasynda ótken ITF Junior G3 jarysyna qatysty. Al, 2016 jyly álemniń 171-raketkasy retinde Nur-Sultanda QR Prezıdenti kýboginde ATP Challenger týrnıriniń shırek fınalyna deıin jetti.
Tabystary: 2021 jylǵy AQSh ashyq chempıonatynyń jeńimpazy, úsh «Úlken dýlyǵa» týrnıriniń (AQSh ashyq chempıonaty – 2019, Aýstralııa ashyq chempıonaty – 2021 jáne 2022) fınalısi, 2020 jylǵy ATP qorytyndy dodasynyń chempıony, 14 ATP jarysynyń jeńimpazy, Reseı quramasy sapynda Devıs kýbogi men 2021 jyly ATP kýbogin jeńip aldy. Reseı tarıhynda jekeleı synda «Úlken dýlyǵada» úzdik shyqqan úsh tennısshiniń biri.