Senat depýtattary Serikbaı Trumov, Súıindik Aldashev jáne Baqtybaı Shelpekov Aqtaýda halyqaralyq «Kaspıı-2022» taqyrybyna arnalǵan dóńgelek ústelge qatysty. Bul jóninde joǵarǵy palatanyń baspasóz qyzmeti habarlady.
Is-shara barysynda qatysýshylar Kaspıı teńiziniń jaı-kúıin, ekologııalyq problemalardy tıimdi sheshý jáne biregeı teńiz florasy men faýnasyn saqtaý máselelerin talqylady.
Kezdesýde senatorlar Kaspıı teńiziniń mańyzyna nazar aýdaryp, onyń ekologııalyq jaǵdaıyn qorǵaý jáne saqtaý jaǵasyndaǵy memleketterdiń birinshi kezektegi mindeti ekenin atap ótti.
«Kaspıı teńiziniń ekologııasy onyń jaǵasynda ornalasqan bes memleket úshin óte mańyzdy. Bizdiń mindetimiz – álemdik tájirıbege súıene otyryp, qorshaǵan ortany qorǵaý jáne teńizge keri áserin tıgizetin faktorlardy azaıtý. Qyzyl kitapqa engizilgen Kaspıı ıtbalyǵynyń taǵdyry da óte ózekti. Qazaqstan Respýblıkasynyń Prezıdenti Qasym-Jomart Toqaev bul máselege erekshe nazar aýdaryp, óziniń jeke baqylaýynda bolatynyn aıtqany belgili», dedi Serikbaı Trumov.
Aıta keteıik, Kaspıı ıtbalyǵyn qorǵaýdy kúsheıtý úshin Qazaqstan Respýblıkasy Úkimetiniń 2020 jylǵy 13 qarashadaǵy qaýlysymen ol Qazaqstan Respýblıkasynyń Qyzyl kitabyna engizilgen.