Bolgarııanyń astanasy – Sofııada shymyldyǵy túrilgen jastar arasyndaǵy (U-20) álem birinshiligin Qazaqstannyń erkin kúres sheberleri bir júldemen qorytyndylady.
57 kılo salmaq dárejesinde synǵa túsken Mereı Bazarbaev tusaýkeser kezdesýinde grekııalyq Andreas Parotsıdısti aıqyn basymdyqpen utyp, ile-shala úndistandyq Abhıshek Dhakany ábden dińkeletti – 5:1. Jartylaı fınalda ýkraınalyq Georgıı Kazanjımen biraz tiresken qandasymyz jeńisti qarsylasynyń ýysynan julyp áketti – 6:4. Fınaldyq saıys ta óte shıelenisti ótti. Báseke barysynda Bazarbaev amerıkalyq Iore Rassell Volkty úsh upaıǵa uzatyp aldy. Beldesýdiń sońyna taman qazaq balýany shıraq qımyldaǵanymen, qarsylasyn qýyp jete almady – 2:3. Nátıjesinde, Mereı álem birinshiliginiń kúmis júldegeri atandy.
О́kinishke qaraı, ózgelerimiz jeńis tuǵyryna kóterile alǵan joq. Atap aıtsaq, Maıs Álıev (61 kılo), Oljas Oljahanov (65 kılo), Radıon Anchýgın (70 kılo), Ilııas Erbolatov (74 kılo), Músilim Jaqsylyq (86 kılo), Nurdáýlet Bekenov (92 kılo) jáne Bekzat Táji (125 kılo) bastapqy kezeńderde súrinse, Shamsat Taıyr (79 kılo) men Zelımhan Mýsıhanov (97 kılo) shırek fınalǵa deıin jetti.