Fýtboldan Qazaqstan kýbogynyń jerebesi tartylyp, shırek fınalda qaı komandanyń ózara kúsh synasatyny anyqtaldy.
Atalǵan mejede «Taraz» ben Qaraǵandynyń «Shahteri», Almatynyń «Qaıraty» men Oraldyń «Aqjaıyǵy», Nur-Sultannyń «Astanasy» men Atakenttiń «Maqtaaraly» jáne Qyzylordanyń «Qaısary» men Shymkenttiń «Ordabasy» sheberlik baıqasady. Bul kezdesýler 31 tamyzda ótedi. 19 qazanda jartylaı fınaldyq oıyndardy tamashalaımyz. Bul matchtarda «Qaırat»/«Aqjaıyq» – «Taraz»/«Shahter» jáne «Astana»/«Maqtaaral» – «Qaısar»/«Ordabasy» arasyndaǵy básekede baǵy janǵan komandalar aqtyq saıystyń joldamasyn ózara sarapqa salady.
Esterińizge sala keteıik, elimizdiń ár óńirindegi 30 komandanyń basyn qosqan bıylǵy el kýbogynyń jalaýy 6 sáýirde jelbiregen edi. Osy jarysta jeńimpaz atanǵan ujym birden ÝEFA Konferensııa kýbogynyń ekinshi kezeńine joldama alady.