Bıyl shildede eldegi qanttyń baǵasy ortasha eseppen 537 teńge boldy. Bul bir jyl burynǵy kórsetkishten 86,6 paıyzǵa qymbat, dep habarlaıdy Egemen.kz Energyprom saıtyna silteme jasap.
Portal málimetinshe, óndiristiń eń úlken kólemi dástúrli túrde Jambyl oblysyna tıesili. О́ńir 96 myń tonna qant shyǵaryp, óndiris kólemin, ótken jylǵa qaraǵanda 16,4 paıyzǵa ulǵaıtqan. Oblystyń respýblıkadaǵy úlesi byltyrǵy 60,3 paıyzdan 64,3 paıyzǵa ósti.
Osy jyldyń qańtar–mamyr aılarynyń qorytyndysynda jergilikti kompanııalar qantqa suranysty qanaǵattandyrýdy (ishki naryqtaǵy satýdy jáne eksportty) bir jyl burynǵy 48 paıyzdan 57,1 paıyzǵa deıin jetkizdi. Import úlesi 52 paıyzdan 42,9 paıyzǵa deıin tómendedi. Elge 63,5 myń tonna qant ákelindi. Kórsetkish ótken jylǵydan 38,9 paıyzǵa az. Ishki naryqtaǵy satý kólemi 25,6 paıyzǵa, ıaǵnı 147,7 myń tonnaǵa deıin tómendedi.
2022 jyldyń qańtar–maýsym aılarynda elimizge jalpy quny 126,4 mln dollardy quraıtyn 210,6 myń tonna qamys qanty men qyzylsha qanty, sondaı-aq qatty kúıdegi hımııalyq taza saharoza ımporttaldy. Naqty mánde ımport kólemi 11,3 paıyzǵa azaıǵanymen, aqshaǵa shaqqanda kerisinshe 15,3 paıyzǵa kóbeıgen.
Qazaqstan TMD elderinen 65,3 myń tonna qant pen saharoza ımporttady. Bul byltyrǵydan 45,7 paıyz kem. Importtyń negizgi bóligi Reseıden keldi: 62,4 myń tonna, kórsetkish byltyrǵydan 42,5 paıyz tómendedi.
TMD-dan tys elderden Qazaqstan 145,3 myń tonna qant ımporttady. Bul ótken jylǵydan 23,9 paıyz kóp. Qanttyń basym bóligi, ıaǵnı 107,7 myń tonnasy Brazılııadan jetkizildi.
Bıyl shildede elde qanttyń kelesi ortasha eseppen 537 teńge boldy. Bul bir jyl burynǵy kórsetkishten 86,6 paıyzǵa qymbat.
Qant baǵasynyń qymbattaýyn negizinen Jambyl oblysynyń turǵyndary sezindi: baǵa byltyrǵydan 2,2 ese ósti. Odan keıin Almaty qalasy men Qaraǵandy oblysynda aıtarlyqtaı ósti. Baǵanyń eń az ósýi elordada baıqaldy: +58,3 paıyz.
Elimizdiń iri qalalarynyń ishinde eń qymbat qant Almaty (581 teńge), Qonaev (555 teńge) jáne Atyraý (554 teńge) qalalarynda , al tómengi baǵa Aqtóbede (449 teńge) tirkeldi.