Nıderlandtyń Ýtreht qalasynan bastaý alǵan veloshabandozdar arasyndaǵy eń beldi jarystardyń biri – «Výelta» kópkúndiginiń alǵashqy eki kezeńi artta qaldy.
Dástúr boıynsha alǵashynda jarys komandalar arasynda ótti. Bul tartys jergilikti Jumbo-Visma klýbynyń jeńisimen aıaqtaldy. Qyzǵaldaqtar eliniń ókilderi 23,3 shaqyrymdyq qashyqtyqty 24 mınýt 40 sekýndta júrip ótti. Odan keıingi oryndardy Ulybrıtanııanyń INEOS Grenadiers pen Belgııanyń Quick-Step Alpha Vinyl Team ujymdary ıelendi. Jeńimpazdan 46 sekýnd qalyp qoıǵan «Astana» 10-satyǵa taban tiredi.
Ekinshi kezeń Hertogenbos pen Ýtreht qalalary aralyǵyn qamtydy. 175,1 shaqyrymdyq tegis jolda ırlandııalyq Sem Bennett (BORA-hansgrohe) aldyna jan almady. Odan keıingi oryndardy danııalyq Mads Pedersen (Trek-Segafredo) men belgııalyq Tım Merlır (Alpecin-Deceuninck) ıelendi. «Astananyń» úzdigi Mıgel Anhel Lopes 24-satyǵa taban tiredi.