Aqtóbe oblysynda jantúrshigerlik jol-kólik apaty saldarynan 5 adam qaza tapty, onyń bireýi bala, dep habarlaıdy Egemen.kz.
Oblystyq polısııa departamentiniń málimetinshe, qaıǵyly oqıǵa 21 tamyz kúni saǵat 12:30-da Temir aýdanyna qarasty Pokrovka – Jańajol avtojolynyń 54-shaqyrymynda bolǵan.
«Qandyaǵash qalasynan Keńkııaq aýyly baǵytynda Lada Largus avtokóligi aýdarylyp qalǵan. Jol-kólik apaty saldarynan avtokólik quralyn basqarǵan 40 jastaǵy áıel men úsh jolaýshy (onyń ishinde bir bala bar) oqıǵa ornynda, taǵy bir jolaýshy aýrýhanada kóz jumdy», delingen PD habarlamasynda.
Sondaı-aq, bes adam (onyń ishinde úsheýi bala) Keńkııaq aýrýhanasyna jatqyzyldy.
Qazir oqıǵanyń mán-jaıy anyqtalyp jatyr.