Qyrǵyz Respýblıkasynyń prezıdenti Sadyr Japarov 23 tamyzdy Reseı Federasııasyndaǵy jol-kólik oqıǵasynda qaza tapqandarǵa arnalǵan jalpy aza tutý kúni dep jarııalady, dep habarlaıdy Egemen.kz.
Sadyr Japarov Reseı Federasııasynyń Ýlıanov oblysynda bolǵan jol-kólik oqıǵasy saldarynan otandastarynyń qaza bolýyna baılanysty úndeý jasady.
«Qurmetti qyrǵyzstandyqtar! Reseı Federasııasynyń Ýlıanov oblysynda bolǵan oqıǵa árqaısymyzdy eleń etkizdi. Bul orny tolmas qaıǵy barshanyń júregin syzdatty. Men zardap shekkenderdiń týystarynyń qaıǵysyna ortaqpyn. Olar úshin qazir óte qıyn. Mundaı jaǵdaılarda janashyr sózderdi aıtý qıyn. Degenmen, apattan qaza tapqandar men zardap shekkenderdiń týystary men jaqyndaryna kóńil aıtamyn. Qaıǵylaryńyzdy barlyǵymen bólisip, Alla Taǵaladan kúsh-qýat, sabyr berýin suraımyn», dedi S.Japarov.
Memleket basshysy apat saldarynan qaza tapqandar men zardap shekkenderdiń týystary men jaqyndaryna kómek kórsetýdi jeke baqylaýyna alatynyna sendirdi.
«Qurmetti otandastar, bul qaıǵyly oqıǵa barsha halqymyz úshin úlken qaıǵy, osyǵan baılanysty 23 tamyzdy Qyrǵyz Respýblıkasynyń aýmaǵynda jalpy aza tutý kúni dep jarııalaımyn», delingen prezıdent ákimshiliginiń saıtynda jarııalanǵan habarlamada.
Qyrǵyzstan Syrtqy ister mınıstrliginiń habarlaýynsha, Ýlıanov oblysyndaǵy jol apaty saldarynan 14 qyrǵyzstandyq qaza taýyp, Qyrǵyzstannyń taǵy úsh azamaty aýrýhanaǵa jatqyzylǵan.