Qarjy mınıstrliginiń Memlekettik kirister komıteti tóraǵasynyń orynbasary Baqytjan Slıamov Abaı oblysynyń ákimdigine jáne Abaı oblysy boıynsha Memlekettik kirister departamentiniń ujymyna Rýslan Danııarovty tanystyrdy, dep habarlaıdy Egemen.kz Memlekettik kirister departamentiniń resmı saıtyna silteme jasap.
Danııarov Rýslan Mamytuly 1972 jyly Jambyl oblysy, Merke aýylynda týǵan. Bilimi boıynsha - ekonomıst, zańger. Eýrazııa naryq ınstıtýtyn, A. Baıtursynov atyndaǵy Qostanaı memlekettik ýnıversıtetin bitirdi.
Memlekettik qyzmettegi jumys ótili 26 jyl. Eńbek jolyn 1996 jyly Arqalyq qalasy Torǵaı oblysy boıynsha salyq ınspeksııasynyń salyq ınspektory bolyp bastaǵan.
1999 jylǵy qarashadan bastap 2009 jylǵy qazanǵa deıin Astana qalasynyń Almaty aýdany boıynsha Salyq komıtetinde túrli laýazymdardy, onyń ishinde basshylyq laýazymdardy da atqarǵan. 2009 jylǵy qazannan bastap 2020 jylǵy naýryzǵa deıin Qazaqstan Respýblıkasy Qarjy mınıstrliginiń Salyq komıtetinde, odan keıin Memlekettik kirister komıtetinde túrli laýazymdardy, onyń ishinde basshylyq laýazymdardy da atqardy. 2020 jylǵy sáýirden bastap 2022 jylǵy sáýirge deıin Memlekettik kirister komıteti Iri salyq tóleýshiler departamenti basqarmasynyń basshysy laýazymyn atqardy. 2022 jylǵy sáýirden bastap qazirgi ýaqytqa deıin Atyraý oblysy boıynsha Memlekettik kirister departamenti basshysynyń orynbasary boldy.Qarjy mınıstriniń 2022 jylǵy 23 tamyzdaǵy №620-j/q buıryǵymen Abaı oblysy boıynsha Memlekettik kirister departamentiniń basshysy laýazymyna taǵaıyndaldy.