Joǵarǵy palatanyń baspasóz qyzmetiniń habarlaýynsha, Senat depýtaty Janbolat Jórgenbaev Almaty oblysyna sapary barysynda jergilikti turǵyndarmen kezdesti. Kezdesýde memlekettik baǵdarlamalardyń júzege asyrylý barysy jáne oblystyń birqatar aýdanynyń turǵyndaryna, eńbek ujymdary men belsendilerge qazaqstandyqtardy áleýmettik qoldaý sharalary týraly aıtyp berdi.
О́z kezeginde aýyl turǵyndary senatorǵa aýdandardyń mindetterin sheshýge qatysqany úshin alǵys aıtyp, Jer kodeksine ózgerister engizý múmkindigin qarastyrýdy surady. Olar sondaı-aq aýdandardy janar-jaǵarmaımen qamtamasyz etý jáne lızıng arqyly tehnıkaǵa qol jetkizý máselelerinde járdem surady.
«Sizderdiń usynystaryńyz nazardan tys qalmaıdy. Barlyq ótinishińiz zerdelenip, tıisti zańdardy qabyldaý kezinde eskeriledi», dedi J.Jórgenbaev.
Kezdesý barysynda senator Memleket basshysy Qasym-Jomart Toqaevtyń bastamasymen elimizde júrgizilip jatqan saıası jáne konstıtýsııalyq reformalarǵa toqtalyp, Parlament Senaty qabyldaǵan zańdardyń qazaqstandyq qoǵam úshin mańyzdylyǵyn atap ótti.
Sóz sońynda depýtat kelip túsken barlyq másele baqylaýǵa alynyp, jergilikti atqarýshy organdarmen birlesip pysyqtalatynyn jetkizdi.
Al Senat depýtattary Álı Bektaev pen Álimjan Qurtaev Túrkistan oblysy Qazyǵurt aýdanyndaǵy fermerlik sharýashylyqtardyń jumysymen tanysty. Senatorlarǵa «Birlik» óndiristik kooperatıvindegi alma jınaý prosesi kórsetildi.
Sharýalar sońǵy 10 jylda alma baqtarynyń aýdany 604 gektardan asqanyn aıtty. О́ndiristik kooperatıvte aýdannyń júzdegen turǵyny jumys isteıdi. Qazirgi tańda 500 tonnadan astam alma jınalǵan. Olar kórshi elderge eksporttalady. Bul óndiris aýyl sharýashylyǵyn ártaraptandyrýdyń mańyzdylyǵyn kórsetedi.
Sonymen qatar depýtattar aýdan kásipkerlerimen jáne sharýa qojalyqtarynyń basshylarymen kezdesti. Kezdesý barysynda qatysýshylar elimizdiń áleýmettik-ekonomıkalyq damý deńgeıi týraly pikir almasty. Senatorlar óz kezeginde Parlamentte júrgizilip jatqan jumystar, sondaı-aq el Prezıdenti Qasym-Jomart Toqaevtyń bastamasymen qolǵa alynǵan saıası reformalar týraly aıtyp berdi.
«Qarqyndy kógaldandyrý ár gektardan astyq pen maqta sharýashylyǵyna qaraǵanda 1,5-3 ese kóp paıda ákeledi. Bul aýyl turǵyndary úshin óte mańyzdy. Osyǵan baılanysty beıindi vedomstvolar tıisti tehnıkany, onyń ishinde jylý únemdeý tehnologııalaryn engizý arqyly bul salany kóbirek qoldaýy qajet», dedi senator Á.Bektaev.
Sondaı-aq Parlament Senatynyń depýtaty Bekbolat Orynbekov Jambyl oblysyna jumys sapary barysynda Shý aýdanyna baryp, birqatar nysannyń jumysymen tanysty.
Senator «Taraz hımııalyq parki» arnaıy ekonomıkalyq aımaǵynda iske asyrylyp jatqan jobalarǵa nazar aýdardy. «Ekonomıkalyq aımaqtyń jumysyn toqyratpaý úshin hımııalyq saladan basqa baǵyttar boıynsha da óndiristik ortalyqtar ashýǵa mán berý qajet», dep atap ótti Bekbolat Orynbekov.
Sondaı-aq depýtat aýdanaralyq balalardy ońaltý ortalyǵy men ál-Farabı atyndaǵy mekteptiń qurylys barysymen tanysty.