Jas órender jarady

Chernogorııada uıymdas­ty­­rylǵan jarysta 12 jas­taǵy oıynshylar bas qosty. Ámına Nurmahan aqtyq synǵa deıin alqynbaı jetkenimen, densaýlyǵynyń syr berýine baılanysty fınaldyq sa­ıysqa shyǵýdan bas tartty. Nátıjesinde, qazaq qy­zy kú­mis medal ıelendi. Re­seılik Eva Kalıadınamen jup qurǵan Medına О́tep­bergen de dál sol mejeden kórindi. Armenııanyń astanasy – Erevandaǵy 14 jas­­taǵylardyń týrnırinde jer­­lesterimiz Iаros­lav Pshe­nıchnyı men Ol­jas Esen­áli jáne Albına Káke­no­va men Vıktorııa Ostrıýh (Reseı) ju­­by sheshýshi tusta ǵana qar­­sy­lastaryna ese jiberdi.

12 jastaǵy órender Ger­ma­nııanyń Regensbýrg qala­synda baq synady. Barlyq qarsylastaryn sypyra ut­qan Robert Kamınskıı bas júldeni oljalady. Fınalda ol kort qojaıyny Lıan Bı­narttan 6:4, 6:3 esebimen basym tústi. Dál sol shaharda ót­ken 16 jas­taǵy ten­nıs­shilerdiń juptyq báse­kesinde Sofııa Ysqaqova men Anas­tasııa Krymkovanyń mereıi ústem boldy. Aqtyq synda olar ýkraınalyq Polına Semenıýk pen Anastasııa Sorskany san soqtyrdy – 6:2, 6:3.

Tájikstannyń astanasy – Dýshanbede 18 jasta­ǵylar ara­syndaǵy týrnırde Vıtalıı Zase­pın sın­gapýrlyq Maksımýs Vong­pen birge juptyq jarystyń jeńimpazy atansa, jekelegen saıysta Oleg Gýsakov fınalda re­seılik Maksım Goncharovtan utyl­dy.