Erteń Majarstanda basketboldyń 3h3 túrinen jastar arasyndaǵy Álem kýbogy bastalady. Bul jarysta Qazaqstan quramasy da óner kórsetedi.
Jerlestermiz D tobynda oınaıdy. Qarsylastarymyz – Ýkraına, Lıtva, Bahreın jáne Brazılııa quramalary. Bizdiń jigitter ózderiniń tusaýkeser kezdesýin Baltyq jaǵalaýynan kelgen basketbolshylarmen ótkizedi. Atalǵan jarysta el namysyn Radıslav Rodıonov, Stepan Iаkýbovıch, Ámir Táshimov, Eldar Hılajev, Ánýar Arǵynbaev jáne Tımýr Batyrqul qorǵaıdy.
«Bir aıǵa sozylǵan Álem kýbogyna daıyndyqty jaqsy ótkizdik. Jigitterimizdiń barlyǵy da ózderin jaqsy qyrynan kórsetti. Iá, qarsylastarymyzdyń barlyǵy da myqty ekeni málim. Biraq biz de qarap qalmaımyz», deıdi quramanyń jattyqtyrýshysy Rıvqat Babekenov.
Esterińizge sala keteıik, byltyr ótken Álem kýbogynda qazaqstandyq oıynshylar shırek fınalǵa deıin jetken bolatyn.