Memleket basshysy Qasym-Jomart Toqaev Ázerbaıjan eliniń basshysyna Sýngaıt qalasyndaǵy kóshelerdiń birine qazaq halqynyń kórnekti ókili Ahmet Baıtursynulynyń esimi berilgeni úshin alǵys bildirdi, dep habarlaıdy Egemen.kz Aqordaǵa silteme jasap.
«Biz elderimiz arasynda mádenıet qaıratkerleri men delegasııalardy turaqty almasýǵa kelistik. Sýngaıt qalasyndaǵy kóshelerdiń birine qazaq halqynyń kórnekti ókili Ahmet Baıtursynulynyń esimi berilgenine alǵys aıtamyz.
Ahmet Baıtursynov 1926 jyly osy – Baký kalasynda ótken birinshi Búkilodaqtyq túrkologtar sezine delegat retinde qatysqan. Bul fakt bizdiń elimiz ben halyqtarymyz arasynda qashan da tyǵyz baılanys bolǵanyn taǵy bir ret dáleldeıdi dep oılaımyn. Kezinde elordamyzdyń bir kóshesine kórnekti memleket qaıratkeri, Ázerbaıjan halqynyń birtýar perzenti Geıdar Álıevtiń esimi berilgen», dedi Qasym-Jomart Toqaev kelissózder qorytyndysy boıynsha ótken brıfıngte.