Búgin – fýtbolshy, jattyqtyrýshy Qurban Berdyevtyń týǵan kúni. Sekseninshi jyldary Almatynyń «Qaıratynyń» sapynda óner kórsetip, keıinnen bilikti bapker retinde tanylǵan azamat asqaraly 60 jasqa toldy.
Qurban 1952 jyldyń 25 tamyzynda Túrikmenstannyń astanasy – Ashǵabadta dúnıege keldi. Sporttyq karerasyn jergilikti «Kolhozshy» (qazirgi «Kopetdag») klýbynda bastaǵan ol 1977, 1981-1985, 1993 jyldary «Qaırattyń» sapynda oınady. Sol aralyqta 160 ret jasyl alańǵa shyǵyp, 34 ret nysanany dál kózdedi. Keıinnen bapkerliktiń qamytyn kıdi. Qazaqstan, Túrkııa jáne Túrikmenstannyń birqatar klýbyn jattyqtyrdy. Berdyev Qazannyń «Rýbıninde» ózin myqty bapker retinde túbegeıli moıyndatty. 2001-2013 jyldar aralyǵynda tatarstandyq komanda eki márte Reseı chempıony men el kýbogynyń ıegeri atanyp, bir ret sýperkýbokty oljalady. Taǵy birneshe ret júldegerler qatarynan kórindi. Reseıdiń eń úzdik bapkeri dep tanyldy. Eýrokýbok jolyndaǵy jarystarda «Rýbın» sátti óner kórsetti. Sol eńbekteri úshin Berdyev Reseı men Tatarstannyń memlekettik nagradalarymen marapattaldy.
Qazirgi kezde Qurban Berdyev Iranda eńbek etip júr. Ol Tebrız qalasyndaǵy «Traktor» klýbyn jattyqtyrady.