Áleýmettik tólemdi elektrondy formatta resimdeýge bolady

Joǵaryda kórsetilgen tó­lemge ótinish berý boıynsha qyzmet kórsetýdiń elek­tron­dy formaty Eńbek jáne halyq­ty áleýmettik qorǵaý mınıs­tr­liginiń, Sıfrlyq damý, ınno­vasııalar jáne aero­ǵarysh óner­kásibi mı­nıs­trliginiń jáne «Ulttyq aq­parattyq tehnologııalar» AQ-nyń birlesken jumysy sheńberinde iske asyryldy. Bu­ryn ótinishter HQO arqyly qaǵaz túrinde qabyldanǵan bolatyn.

eGov.kz portaly arqyly ótinish berý úshin basty bette «Áleýmettik qamsyzdandyrý» bólimin ashyp, «Otbasylarǵa kó­mek» tarmaǵyn tańdap, tıisti qyz­metti tabý kerek.

Osydan keıin paıdalanýshy portalda avtorızasııalanýy, onlaın qyzmetke tapsyrys berýi, barlyq mindetti qatarlardy tol­tyrýy, talap etiletin faıldardy tirkeýi jáne usynylǵan nus­qa­lardyń birimen ótinimge qol qoıýy qajet.

О́tinimdi eGov.kz portalynda qaraý merzimi 8 jumys kúnin quraıdy. Somasy kór­setilgen tólem taǵaıyndaý týraly habarlama nemese bas tartý týraly dáleldi jaýap paıdalanýshynyń jeke ka­bınetine jiberiledi.

Elektrondy qujat nemese suraý salý ná­tı­jesi týraly habarlama odan ári jeke kabınette, «Qyz­met­ter­di alý tarıhy» bóli­min­de qol­jetimdi bolady.

Atalǵan qyzmetti eGov.kz portaly arqyly alý úshin jumys berýshiniń kadr qyz­meti toltyratyn eńbek sharttaryn esepke alýdyń biryńǵaı júıesinen (budan ári – E-HR) elektrondy málimetter qajet ekeni aı­ta ketý kerek. Sondyqtan áleýet­ti kórsetiletin qyz­met­ti alýshy júktilikke jáne bala (balalardy) týýǵa, jańa týǵan balany (balalardy) asyrap alýǵa baılanysty demalysqa shyǵý týraly tıisti derekterdiń E-HR-ge en­gizilgenin naqtylaýy qajet