Sıngapýrda 29 tamyzdan bastap jabyq oryndarda maska taǵý rejımi alynyp tastalynady, dep habarlaıdy Egemen.kz Travel Daily Media saıtyna silteme jasap.
Sıngapýrda COVID-19 boıynsha jaǵdaı turaqtandy. El bıligi 29 tamyzdan bastap maska kııý talabyn alyp tastaý týraly sheshim qabyldady. Endi qala turǵyndary men qonaqtary jabyq oryndarda maska taǵýǵa mindettelmeıdi.
Sondaı-aq Densaýlyq saqtaý mınıstrligi 28 tamyzdan bastap jeti kúndik karantın talabyn alyp tastap, ekpe almaǵan saıahatshylarǵa arnalǵan erejelerdi jańartty.
Budan bylaı saıahatshylar Sıngapýrǵa barar aldynda eki kún ishinde koronavırýsqa qarsy test tapsyrsa bolǵany.
Aıta keteıik, bıyl Sıngapýrda Sıngapýr Gran-prıi (Sıngapýrdaǵy Formýla 1 Gran-prıi) jáne Gardens by the Bay oıynynyń 10 jyldyǵyn merekeleý ótedi.