Tatarstan Respýblıkasynyń (Reseı Federasııasy) astanasy Qazan qalasynda Jahandyq jastar sammıti bastaldy, dep habarlaıdy Egemen.kz.
Forým «Qazan – IYU jastar astanasy» halyqaralyq baǵdarlamasy aıasynda ótip jatyr.
Onyń qatysýshylary arasynda Islam yntymaqtastyǵy uıymyna (IYU) múshe 20-dan astam eldiń jastar jáne sport mınıstrleri bar.
Forýmdy Tatarstannyń Jastar isteri mınıstrligi, Jastar dıplomatııasy akademııasy jáne Tatarstan Respýblıkasynyń «Selet» respýblıkalyq jastar qoǵamdyq qory birlesip uıymdastyrǵan.
Forým aıasynda jastar kóshi-qony, mádenıetaralyq dıalog, áleýmettik lıftter, jastar kásipkerligi jáne basqa da ózekti taqyryptardy talqylaý josparlanýda.
Sammıttiń ashylýynda Tatarstan Premer-mınıstriniń orynbasary Leıla Fazleeva sóz sóıledi.
Sammıtke Irak, Reseı, Palestına, Nıger, Pákistan, Kamerýn, Lıvııa, Indonezııa, Ýganda elderiniń ókilderi, sondaı-aq Ázerbaıjan, Iran, Madagaskar, Qazaqstan jáne Serra-Leone mınıstrleriniń orynbasarlary bar barlyǵy 300-ge jýyq adam qatysýda.
Aıta keteıik, Qazandaǵy jahandyq jastar sammıti 30 tamyzǵa deıin jalǵasady.