1,8 mln teńgege jýyq aıyppuly bar Toyota Ipsum kóligin shahardyń Áýezov aýdanynyń polıseıleri ustady, dep habarlaıdy Egemen.kz Polisia.kz-ke silteme jasap.
– Buǵan deıin habarlanǵandaı, jol qozǵalysyn retteýdiń tıimdiligin arttyrý maqsatynda «Qorǵaý – Qaýipti júrgizýshi» avtomattandyrylǵan júıesi jumys isteıdi. Ol jalǵan memlekettik nómirleri bar avtokólikterdi jáne saqtandyrý polısinsiz júrgen sheteldik MTNB bar avtokólikterdi, sondaı-aq kólik júrgizý quqyǵynan aıyrylǵan júrgizýshilerdi anyqtaýǵa múmkindik beredi. Máselen, bir kún buryn Qyrǵyzstanda tirkelgen, jalpy somasy 1 782 090 teńge aıyppuly bar Toyota Ipsum kóligi ustaldy. Mınıvendi 55 jastaǵy jergilikti turǵyn basqarǵan. Bul kólik mamandandyrylǵan aıyppul turaǵyna qoıyldy, – dedi Almaty qalalyq PD Jergilikti polısııa qyzmeti basqarmasynyń bastyǵy Erjan Uzabaev.
Spıkerdiń aıtýynsha, qalada jalǵan memlekettik nómirlerdi paıdalanatyn, kólikterge arnaıy dabyl berý qurylǵylaryn ornatqan kólik júrgizýshilerin, sondaı-aq kólik quraldaryn mas kúıinde basqarǵan adamdardy jaýapkershilikke tartý boıynsha maqsatty jumystar júrgizilip jatyr.