Memleket basshysynyń Jarlyǵymen Darhan Qýandyquly Qydyráli Qazaqstan Respýblıkasynyń Aqparat jáne qoǵamdyq damý mınıstri laýazymyna taǵaıyndaldy, dep habarlaıdy Egemen.kz Prezıdenttiń baspasóz qyzmetine silteme jasap.
Darhan Qydyráli 1974 jyly 16 sáýirde Túrkistan oblysyna qarasty Túlkibas aýdanynda dúnıege kelgen.
Eńbek jolyn 2001-2005 j. Q.A.Iаsaýı atyndaǵy Halyqaralyq qazaq-túrik ýnıversıtetinde aǵa ǵylymı qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymı qyzmetker bolyp bastaǵan.
2005-2006 j. L.N.Gýmılev atyndaǵy Eýrazııa ulttyq ýnıversıtetinde dosent, aǵa ǵylymı qyzmetker.
2006-2007 j. Qazaqstan Respýblıkasy Prezıdenttik mádenıet ortalyǵynda dırektordyń orynbasary.
2007-2008 j. Qazaqstan Respýblıkasy Bilim jáne ǵylym mınıstrliginde Mınıstrdiń keńesshisi.
2008-2009 j. Qazaqstan Respýblıkasy Prezıdenti Ákimshiliginde sarapshy, sektor meńgerýshisi retinde qyzmet atqarǵan.
2009-2012 jyldar arasynda Qazaqstan Respýblıkasy Prezıdenti Baspasóz hatshysynyń orynbasary bolǵan.
2012 -2014 jyldary Túrki keńesi Bas hatshysynyń orynbasary bolyp qyzmet atqardy.
2014 jyldan bastap Halyqaralyq túrki akademııasynyń prezıdenti.
2015 jylǵy 29 maýsymnan Túrki álemi Ulttyq ǵylym akademııalar odaǵy Hatshylyǵynyń basshysy qyzmetin qosa atqarady jáne atalǵan odaqtyń uıymdastyrýshysy.
2015 jyly IýNESKO-nyń Parıjdegi shtab-páterinde «Qorqyt murasy jáne Túrki álemi» atty halyqaralyq mádenı sharany, 2016 jyly Nıý-Iork qalasyndaǵy Birikken Ulttar uıymynyń shtab-páterinde «2030 Jospary úshin Jibek joly boıyndaǵy jańa sınergııa» atty halyqaralyq sımpozıýmdy, jáne 2018 jyly «Rýhanı jańǵyrý jáne mádenı mura: qadymnan keleshekke túrki tili» halyqaralyq mádenı sharalaryn uıymdastyrdy.
2016 jyldyń shildesinen «Egemen Qazaqstan» respýblıkalyq gazeti» JShS Bas dırektory.
2018 jyldyń qyrkúıeginde Halyqaralyq Túrki akademııasynyń prezıdenti laýazymyna ekinshi merizimge taǵaıyndaldy.