Aýyl sharýashylyǵy mınıstrliginiń buıryǵyndaǵy ózgeristerge sáıkes, agrarlyq sektorda saqtandyrý syılyqaqysynyń bir bóligin sýbsıdııalaý normatıvi 50 paıyzdan 80 paıyzǵa deıin artady. Bul aýyl sharýashylyǵy taýarlaryn óndirýshiler úshin saqtandyrý polısiniń qunyn tómendetýge múmkindik beredi, sondaı-aq agrosaqtandyrýdy odan da qoljetimdi ete túsedi.
Eske sala keteıik, 2020 jyldan bastap Qazaqstanda agroónerkásiptik keshenin saqtandyrýdyń jańa júıesi jumys isteıdi. Saqtandyrý syıaqylaryn sýbsıdııalaýdyń negizgi maqsaty – agroónerkásiptik keshen sýbektileri úshin qaryz jáne saýdalyq qarjylandyrýdyń qoljetimdiligin arttyrý.
Qazirgi ýaqytta ósimdik jáne mal sharýashylyǵy salalarynda kelesideı saqtandyrý ónimderi bekitilgen: topyraqtyń ylǵaldylyǵynyń jetispeýshilik ındeksin saqtandyrý; topyraqtyń artyq ylǵaldylyq ındeksin saqtandyrý; kúzdik daqyldar úshin topyraq ylǵaldylyǵynyń jetispeýshilik ındeksin saqtandyrý; iri qara maldy, usaq maldy, jylqy men qustardy saqtandyrý.
О́simdik sharýashylyǵyndaǵy saqtandyrýǵa dándi daqyldar (bıdaı, suly, arpa, júgeri), kúzdik jáne maıly daqyldar jatady.
Sondaı-aq passıvti mıkrotolqyndy qashyqtyqtan zondtaý negizinde «ósimdikterdiń optıkalyq tereńdigi» ındeksiniń monıtorıngin kózdeıtin bıomassa ındeksin saqtandyrý boıynsha saqtandyrý ónimi jumys isteıdi.
О́simdikterdiń optıkalyq tereńdigi ósimdikterdegi sýdyń salystyrmaly mólsherin anyqtap, ósimdikterdiń ósýi men bıomassasyn kórsetedi.
Saqtandyrýmen «JÝSAN Garant» SK» AQ, «VIKTORIIа» SK» AQ, «Nomad Insurance» SK» AQ, «Amanat» SK» AQ jáne «London-Almaty» SK» AQ aınalysady.
Atalǵan saqtandyrý ónimderiniń sheńberindegi táýekelder álemdik saqtandyrý naryǵynda «A» reıtıngi bar SWISS Re (Shveısarııa), HANNOVER RE (Germanııa), MUNICH RE (Germanııa) halyqaralyq qaıta saqtandyrý kompanııalarynda qaıta saqtandyrylady. Olar saqtandyrý jaǵdaılary bastalǵan kezde kepildik berilgen tólemderdi qamtamasyz etedi.
Aýyl sharýashylyǵy salasyndaǵy saqtandyrýdyń operatory – «Agrarlyq nesıe korporasııasy» AQ. Barlyq rásim – shart jasasýdan bastap, tólemderge deıin, aqparattyq júıe arqyly onlaın júrgiziledi. Saqtandyrý jaǵdaıy jerdi qashyqtyqtan zondtaý derekteri negizinde tirkeledi. Bul júıe adamı faktordy tolyǵymen alyp tastaýǵa múmkindik beretinin atap ótken jón. Ylǵal deńgeıiniń monıtorıngi turaqty negizde júrgizilip otyrady jáne saqtandyrý jaǵdaıynyń bastalý faktisi avtomatty túrde tirkeledi.