Qurlyqtyq hokkeı lıgasynyń (QHL) turaqty birinshiligi bastaldy. Bıylǵy maýsymdaǵy óziniń alǵashqy oıynyn Nur-Sultannyń «Barysy» Mınskide jergilikti «Dınamoǵa» qarsy ótkizdi.
Kezdesýdi alań ıeleri qarqyndy bastady. 9-mınýtta Dmıtrıı Sokolov jáne 22-mınýtta Nık Merklı qatarynan eki shaıbany bizdiń qaqpaǵa engizdi. Bul jaǵdaı jerlesterimizdiń jigerin jasyta alǵan joq. 37 jáne 42-mınýttarda mergendik tanytqan Anton Sagadeev tarazy basyn teńestirse, 47-mınýtta Kárim Beketaev nysanany dál kózdep, «Barysty» alǵa shyǵardy. Biraq ózderine tıimdi esepti qonaqtar ustap tura almady. Básekeniń aıaqtalýyna sál ǵana ýaqyt qalǵanda Brendon Kozýn gol soǵyp, jergilikti kórermenderdi qýantty. Overtaımda tablodaǵy esep ózgergen joq. Al býllıt soǵý barysynda «Dınamonyń» joly boldy – 4:3.
О́ziniń kelesi oıynyn «Barys» 5 qyrkúıekte Sankt-Peterbýrgte SKA-ǵa qarsy ótkizedi. Arada eki kún ótkennen soń Balashıhaǵa attanyp, «Vıtıaz» klýbymen kúsh synasamyz. 9 qyrkúıekte Sochıge sapar shegemiz. Al odan keıingi kezdesýler Nur-Sultanda ótedi.