Veloshabandozdardyń «Výelta» kópkúndiginiń 14-kezeńi Ispanııanyń Kordova ólkesindegi Montoro eldi mekeninen bastaý alyp, Serra-de-la-Panderada óz máresine jetti.
160,3 shaqyrymdyq taýly aımaqta ótken básekede márege 4 saǵat 09 mınýt 27 sekýndta jetken Ulybrıtanııanyń INEOS Grenadiers klýbynyń beldi múshesi, 29 jastaǵy ekvadorlyq Rıchard Karapas birinshi oryndy ıelendi. Odan sál ǵana qalyp qoıǵan Mıgel Anhel Lopes ekinshi satyǵa jaıǵasty. Bul – «Astananyń» sapyndaǵy kolýmbııalyq legıonerdiń osy jarystaǵy eń úzdik nátıjesi. Sonyń arqasynda ol jalpy esepte altynshy orynǵa kóterildi. Slovenııalyq Prımoj Roglıch (Jumbo-Visma) úshinshi satyǵa turaqtady.
Jalpy esepte belgııalyq Remko Evenepýl (Quick-Step Alpha Vinyl Team) áli de aldyńǵy orynda. Onyń ýaqyty – 52:21:33. Ony Prımoj Roglıch pen ıspanııalyq Enrık Mas (Movistar Team) ókshelep keledi.