Reseı Syrtqy ister mınıstrligi Aýǵanstan astanasyndaǵy terakt saldarynan Reseı elshiliginiń eki qyzmetkeriniń qaza tapqanyn rastady, dep habarlaıdy Egemen.kz.
«5 qyrkúıekte Kabýl ýaqyty boıynsha tańǵy saǵat 10:50-de Reseıdiń Kabýldaǵy elshiliginiń konsýldyq bólimine kireberiske jaqyn jerde belgisiz sodyr jarylǵysh zatty iske qosqan. Shabýyl saldarynan dıplomatııalyq mıssııanyń eki qyzmetkeri qaza tapty, zardap shekkender arasynda Aýǵanstan azamattary da bar. Elshilik tergeý júrgizip jatqan Aýǵanstannyń qaýipsizdik qyzmetimen tyǵyz baılanysta», delingen Reseıdiń SIM taratqan habarlamada.
Al aýǵandyq BAQ terakt kezinde barlyǵy 20 adam qaza tapqanyn jazyp jatyr.