Veloshabandozdardyń «Výelta» kópkúndiginiń 15 kezeńi Pıreneı túbeginiń ońtústigindegi Martos pen Serra-Nevada dep atalatyn taýly aımaqtarda ótti.
Keshe ǵana ekinshi oryn alyp, qazaqstandyq jankúıerlerdi qýantqan «Astananyń» serkesi Mıgel Anhel Lopes bul joly da jaqsy óner kórsetti. Osy kezeńniń jeńimpazy Tımen Arensmannan 1 mınýt 15 sekýnd qalyp qoıǵan ol úshinshi satyǵa jaıǵasty. Nemisterdiń Team DSM klýbynyń namysyn qorǵap júrgen 22 jastaǵy Nıderlandtyń jas juldyzy 149,6 shaqyrymdyq qashyqtyqty 4 saǵat 17 mınýt 17 sekýndta júrip ótti. Ekinshi oryndy Ispanııanyń Movistar Team ujymynyń oǵlany, germanııalyq Enrık Mas ıelendi.
Jalpy eseptegi jaǵdaı ózgerissiz. Belgııalyq Remko Evenepýl (Quick-Step Alpha Vinyl Team), slovenııalyq Prımoj Roglıch (Jumbo-Visma) jáne Enrık Mas (Movistar Team) úzdik úshtiktiń sanatynda. Mıgel Anhel Lopes áli de altynshy orynǵa taban tirep tur.