Aqtóbede kólik júrgizýshisi eki adamdy qaǵyp ketti, dep habarlaıdy Egemen.kz.
Oqıǵa saǵat 13:45-te Qonaev pen Qulymbetov kósheleriniń qıylysynda bolǵan. «Nissan Almera» kóliginiń 35 jastaǵy júrgizýshisi jaıaý júrginshiler ótkelinde joldy kesip ótip bara jatqan 63 jastaǵy áıel men onyń nemeresin qaǵyp ketken. Oqıǵa saldarynan áıel oqıǵa ornynda kóz jumǵan, al nemeresi Aqtóbe qalasyndaǵy oblystyq balalar klınıkalyq aýrýhanasyna jetkizilip, alǵashqy medısınalyq kómek kórsetilgennen keıin úıine jiberilgen.
QR Qylmystyq kodeksiniń 345 baby, 3 bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha tergeý amaldary júrgizýlýde. Júrgizýshi Aqtóbe qalalyq IIB ýaqytsha ustaý ızolıatoryna qamaldy.