Azamattyq avıasııa komıteti Indýstrııa jáne ınfraqurylymdyq damý mınıstri Q.A. О́skenbaevtyń tapsyrmasy boıynsha reısterdi keshiktirý kezinde jolaýshylardyń quqyqtaryn buzǵany úshin avıatasymaldaýshylardy jaýapkershilikke tartý jumystary jalǵasýda, dep habarlaıdy Egemen.kz IIDM baspasóz qyzmetine silteme jasap.
«Osy jylǵy tamyzdyń úshinshi onkúndiginde «Eır Astana» áýekompanııasyna (qurylymdyq bólimshesi «Fly Arystan» áýekompanııasy bolyp tabylady) qatysty reısterdi keshiktirý kezinde jolaýshylar quqyǵyn buzǵany úshin 2 000 AEK (6 126 000 teńge) kóleminde qosymsha eki aıyppul salyndy. Osy jyldyń shilde aıynan bastap «Eır Astana» áýekompanııasyna qatysty jalpy somasy 6 000 AEK (18 378 000 tg) alty aıyppul salyndy. «SCAT» áýekompanııasy reıs kidirgen kezde jolaýshylardyń quqyqtaryn buzǵany úshin 1 000 AEK (3 063 000 tg) kóleminde aıyppul túrinde ákimshilik jaýapkershilikke tartyldy», delingen habarlamada.
Baspasóz málimetinshe, qazaqstandyq áýekompanııalar jeti ret 7 000 AEK (21 441 000 tg) somasyna ákimshilik jaýapkershilikke tartyldy. Azamattyq avıasııa komıteti júrgizilip jatqan jumys sheńberinde Qazaqstan Respýblıkasynyń qoldanystaǵy zańnamasynyń jolaýshylar quqyqtaryn saqtaý bóligindegi talaptaryn ustanady.
Sondaı-aq tasymaldaýshylar tarapynan buzýshylyq faktileri qaıta anyqtalǵan jaǵdaıda sharalar qabyldanady.