Mehıkodaǵy metronyń medıafasadtarynda Dımash Qudaıbergenniń Fly Away ánine túsirilgen vıdeosy jarııalandy. Rolık apta boıy saǵat saıyn 576 ekranda kórsetiledi. Bul týraly dimashnews.com saıty habarlady.
Tarqata aıtar bolsaq, Dımashtyń Meksıkadaǵy fan-klýbynyń arqasynda beınerolıkter kórsetildi. Dears eń tanymal teledıdarlyq jelilerdiń biri – Mehıko qalasyndaǵy metroda mýzykalyq beıneklıpter men mádenı jańalyqtardy ornalastyrýmen aınalysatyn Isa TV-ge habar taratý týraly ótinish jibergen.
Translıasııanyń ótýi úshin Dears Isa TV resmı Instagram-akkaýntyndaǵy posttyń astyna 2000 laık jınaý kerek bolǵan. Al Dımash shyǵarmashylyǵynyń jankúıerleri oǵan nebári eki kúnniń ishinde qol jetkizgen. Osylaısha, Meksıka astanasyndaǵy metronyń 70 stansasynda Dımashtyń Fly Away ánine túsirilgen vıdeosy kórsetildi. Metro – qalanyń negizgi kólik quraldarynyń biri. Sondyqtan beıneni 3 mıllıonǵa jýyq adam kóredi.