QR Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın elektrondyq úkimet ınfraqurylymynda aqparattyq júıeniń nelikten isten shyqqanyn túsindirdi, dep habarlaıdy Egemen.kz.
Bul máseleni Premer-Mınıstr Álıhan Smaıylov kóterdi. Ol 3 tamyzda aqparattyq júıe isten shyǵyp, elektrondyq úkimet jumysyn bir táýlikten astam ýaqytqa toqtatqanyn eske saldy.
Osyǵan baılanysty ol SDIAО́M basshysynan aqparattyq júıelerdiń úzdiksizdigi boıynsha qandaı sharalar qabyldanyp jatqanyn surady.
«Biz bul máseleni tekserip, taldadyq. Bul másele birqatar aqparattyq júıelerdiń isten shyǵýyna baılanysty oryn aldy. Saǵat 14:00-de birqatar júıelerdiń jumysy qalpyna keltirildi», dedi Baǵdat Mýsın Úkimet basshysynyń suraǵyna jaýap bere otyryp.
Mınıstrdiń aıtýynsha, elektrondyq úkimettiń jumysyn turaqty qamtamasyz etý úshin 2023 jyly derekterdi óńdeý ortalyqtarynyń táýelsiz ınfraqurylymyn, negizgi jáne rezervtik derekterdi óńdeý ortalyǵyn qurý josparlanýda.
Eske salsaq, 3 tamyzda «UAT» AQ serverlik ortalyǵyndaǵy irkiliske baılanysty elimizdiń HQKO men mamandandyrylǵan HQKO-larynda kelýshilerdi qabyldaý ýaqytsha toqtatylǵany habarlanǵan edi.