Shymkent qalasynyń birqatar mektebi sanıtarlyq normalardy saqtamaǵany úshin iri aıyppul tóledi. Sanepıdembaqylaý departamentiniń mamandary bıylǵy oqý jylynda josparly tekserý júrgizedi, dep habarlaıdy Egemen.kz.
«Habar 24» arnasy habarlaǵandaı, megapolıstiń barlyq bilim berý mekemeleri ótken oqý jylynda da tekserilgen. Nátıjesinde 91 mektepte buzýshylyqtar anyqtaldy.
Oqý oryndarynda dezınfeksııalaý quraldarymen ylǵaldy jınaý saqtalmaǵan, rakovınalar aqaýly kúıde boldy, sondaı-aq mektep jıhazy da eskirgen edi.
Osy oqý jylynda mektepter josparly tekserý týraly aldyn ala eskertý aldy.
«Anyqtalǵan buzýshylyqtar boıynsha mektepterde 139 laýazymdy tulǵaǵa aıyppul salyndy, aıyppul somasy 22 mıllıon teńgeden asty. Onyń ishinde 85 aıyppul jeke tulǵalarǵa, 54 aıyppul laýazymdy tulǵalarǵa salyndy», dedi Shymkent OSK basshysynyń orynbasary Aldarqul Ahmetov.