Álemdik jáne dástúrli dinder kóshbasshylarynyń Sezinde Memleket basshysy Qasym-Jomart Toqaev qazaq jeri ǵasyrlar boıy Batys pen Shyǵystyń arasyndaǵy kópir bolyp kele jatqanyn aıtty, dep habarlaıdy Egemen.kz.
«Elimizdiń Almaty oblysynda Qoılyq degen ortaǵasyrlyq qalanyń orny bar. Sol jerde qazba jumystary júrgizildi. HII-XIV ǵasyrlarda osy qalada ıslam, hrıstıan jáne býddızm dininiń ǵımarattary irgeles turǵany anyqtaldy. Shyn máninde Qazaqstan aýmaǵy barlyq álemdik dinderdiń kıeli oryndary kórinis tapqan karta ispetti. Musylmandar Arystan babtyń, Qoja-Ahmet Iаassaýıdiń kesenelerine, Beket atanyń jerasty meshitine jáne basqa da qasıetti jerlerge baryp zııarat etedi», dedi Prezıdent.