Qazaqstannyń birinshi, álemniń 25-shi raketkasy Elena Rybakına Portoroj WTA 250 týrnıriniń fınalynda utylyp qaldy, dep habarlaıdy Egemen.kz Qazaqstannyń tennıs federasııasyna silteme jasap.
Jarystyń úshinshi raketkasy bolyp tirkelgen qazaqstandyq tennısshi fınalda dúnıejúzilik reıtıngide 82-shi orynda turǵan chehııalyq Katerjına Sınıakovamen bas júldege talasty.
Birinshi sette Rybakına qos breık jasap, 5:0 esebimen alǵa ketse de, Sınıakovanyń tarazy basyn tez teńestirip, esepti 5:5-ke jetkizdi. Rybakına birneshe set-poıntty da paıdalana almady. Degenmen taı-breıkte qarsylasyn tyǵyryqqa tireı bildi - 7:6 (7:4).
Ekinshi sette esep 3:3 bolǵan mezette qazaqstandyq sportshy breık jasaǵanymen, chehııalyq tennısshi sol boıda ese qaıyrdy. Esep 4:4 boldy. Bul joly taı-breıkte Sınıakova sátti oınady - 7:6 (7:5).
Úshinshi, sheshýshi sette Sınıakova breıkpen alǵa ozyp, esep 4:2-ge jetti. Elena Rybakına esepti teńestirgenimen, chehııalyq oıynshy qaıta breık jasady.
Buǵan deıin Rybakına segiz ret WTA dodalarynyń fınalyna ótip, sonyń ekeýinde ǵana úzdik shyqqan edi.