BUU minberinde sóz sóılegen Prezıden Qasym-Jomart Toqaev ortaq maqsatqa qol jetkizý úshin qandaı baǵyttarda áreket etý keregin aıtty, dep habarlaıdy Egemen.kz.
«О́tken jyldardaǵy kóptegen jáne kóbine ózara baılanysty daǵdarystar jahandyq basqarýda aıtarlyqtaı kemshilikter bar ekenin kórsetti. Olar BUU-ny jańǵyrtý jáne reformalaý qajet ekenin aıqyndap berdi.
BUU aldaǵy syn-qaterlerge jáne týyndaıtyn múmkindikterge daıyn bolýǵa tıis. Osyǵan baılanysty Qazaqstan Bas hatshynyń «Bizdiń ortaq máselemiz» atty baıandamasynda aıtylǵan usynystardy qoldaıdy.
Bizge BUU Jarǵysynyń erejelerin bekitýge, kópjaqtylyqqa tyń serpin berýge, qoldanystaǵy mindettemelerdiń júzege asyrylýyn kúsheıtýge, jańa syn-qaterlerge qatysty naqty sheshimderdi kelisýge jáne Uıymǵa múshe memleketterdiń ózara senimin qalpyna keltirýge zor múmkindik týyp tur», dedi Memleket basshysy
Bul rette kelesi jyly Uıymǵa múshe memleketter mınıstrleriniń kezdesýi aıasynda ótetin konsýltasııalarǵa Qazaqstannyń qatysatynyn, sondaı-aq 2024 jyly ótetin Bolashaq sammıtin asyǵa kútetinin aıtty.
«Biz jahandyq syn-qaterler men daǵdarystarǵa qarsy qabyldanatyn qarapaıym is-sharalardan olardy boldyrmaýǵa jáne sapaly boljaýǵa, sondaı-aq saıası baǵyttardy strategııalyq josparlaý jáne ázirleý aıasyndaǵy baǵalaý ádisterimizdi jumyldyrýǵa kóshýimiz kerek», dedi Prezıdent.
Sonymen qatar Qazaqstan 30 jyl buryn dál osy maqsatpen Azııadaǵy ózara is-qımyl jáne senim sharalary jóninde keńes (AО́SShK) qurýdy usynǵanyn eske saldy.
«Jańa syn-tegeýrinder men qaýip-qaterlerge baılanysty aldaǵy qazan aıynda araaǵaıyndyq pen bitimgerlikke atsalysý maqsatynda ótetin Sammıtte AО́SShK tolyqqandy halyqaralyq uıymǵa aınalady dep úmittenemiz.
2030 jylǵa deıin segiz-aq jyl qaldy. Osyǵan deıin Ornyqty damý maqsattaryna qol jetkizýge COVID-19 pandemııasy, «úsh álemdik daǵdarys» (klımattyń ózgerýi, bıoalýantúrliliktiń joǵalýy jáne qorshaǵan ortanyń lastanýy), sondaı-aq dúnıeniń ár buryshyndaǵy qaqtyǵys oshaqtary kedergi keltirdi. Kesh bolmaı turǵanda burynǵy damý soqpaǵyna túsýimiz kerek.
Bizdiń negizgi basymdyǵymyz - yqtımal turaqsyzdyqqa qarsy turýǵa qabilettilik, sondaı-aq ornyqty, teńgerimdi jáne ınklıýzıvti túrde qaıta qalypqa kelýdi qamtamasyz etý», dedi Qasym-Jomart Kemeluly.
Osylaısha, Prezıdent Shyǵys pen Batys arasynda ashyq dıalog júrgizý qajet dep esepteıdi. Sondaı-aq ózara senim men kópjaqty yntymaqtastyq qaǵıdattaryna negizdelgen qaýipsizdiktiń jańa jahandyq paradıgmasyn ornatý kerek degen pikirde.
Qazirgi daǵdarys jaǵdaıy men geosaıası teketiresterdiń kúsheıýin eskere otyryp, BUU aıasynda halyqaralyq shıelenisti báseńdetý jáne qaqtyǵystardy boldyrmaý jumystaryn júrgizý qajet.