Shymkent qalasyndaǵy jataqhanalardyń birinde kolledjdiń birinshi kýrs stýdenti qaıtys boldy, dep habarlaıdy Egemen.kz Polisia.kz saıtyna silteme jasap.
22 qyrkúıekke qaraǵan túni Shymkent qalasy Ál-Farabı aýdany PB kezekshi bólimine kolledjderdiń biriniń jataqhanasynan 1 kýrs stýdentiniń máıiti tabylǵany týraly habarlama kelip tústi.
Kýágerlerdiń aıtýynsha, stýdentterdiń biri jigittiń keýdesine, al ekinshisi ıyǵyna soqqy tıgizgen. Stýdent jedel járdem qyzmetkerleri kelgenge deıin kóz jumǵan.
Qazirgi ýaqytta Ál-Farabı AIIB qyzmetkerleri QR QK 106-baby boıynsha tergeý júrgizýde. Oqıǵanyń mán-jaıy anyqtalýda. Is boıynsha sot-medısınalyq saraptama taǵaıyndaldy.