Reformalardyń zańdy jalǵasy

Jahandyq saıasattyń kúrdeli kezeńinde Prezıdentti demo­kratııa­lyq jolmen saılaý halyq­ty mem­leketshildik múddege ynty­maq­tastyrýǵa jáne biriktirýge baǵyt­talǵan. Saılaý elimizde júzege asy­rylǵan Konstıtýsııalyq reforma­lardyń qorytyndylaryn bekitedi jáne áleýmettik-ekonomıka­lyq saladaǵy reformalardy jalǵas­tyryp, nátıjelerin aıqyndaıdy.

Prezıdenttiń kezekten tys saılaýy týraly Memleket basshysy 1 qyrkúıektegi Joldaýynda málimdedi. Al Jarlyqqa bir aıǵa jýyq ýaqyt ótkende qol qoıyldy. Barlyq saıa­sı kúshtiń saılaýǵa daıyndalýyna, qoǵamdyq talqylaý ótkizýge jáne aldyn ala strategııalaryn aıqyndaýyna ýaqyt jetkilikti boldy dep sanaımyn. Al buǵan deıingi saıası dástúr boıynsha kezekten tys saılaýdyń ýaqytyn jarııalaý men Jarlyqqa qol qoıý bir kúnde bolatyn. Sonymen qatar Prezıdent aldaǵy Parlament saılaýynyń ýaqytyn kem degende alty aı buryn aıtyp otyr. Barlyq saıası kúshterdiń aldaǵy Parlament jáne máslıhattar saılaýlaryna daıyn­dalýyna jetkilikti ýaqyty bar.

Qazirgi halyqaralyq jáne óńir­lik qaqtyǵystardy eskere otyryp, ásirese postkeńestik keńistikte oryn alyp jatqan jaǵdaılarda memleket­tiligimizdi nyǵaıtý erekshe ózekti. Demokratııalyq jolmen ornyqqan saıası júıe ınstıtýttaryn transformasııalaý – Qazaqstannyń áleýmettik-ekonomıkalyq áleýetin arttyrýǵa múmkindik. Prezıdent saılaýy – halyq birligin nyǵaıtýǵa, azamattyq qoǵamdy jáne bılikti úılesimdi áreket etýge yqpaldastyrady.

Demokratııalyq jáne ornyqty jańa saıası memlekettik basqarý ınstı­týttaryn qalyptastyrý – eli­mizdiń turaqtylyǵyn jáne tutastyǵyn, onyń syrtqy jáne ishki syn-qaterlerge moıy­maı, tótep berýin arttyrady.

Juldyz SÚLEIMENOVA,

Májilis depýtaty