Pavlodar oblysy ákiminiń birinshi orynbasary Oleg Krýktyń aıtýynsha, 21-26 qyrkúıek aralyǵynda shekaralyq beketter arqyly Reseıden Pavlodar oblysyna 13 284 adam ótken. Qazirgi ýaqytta óńirde shamamen 8 myńnan astam reseılik júr dep shamalanýda.
Qazir aımaqtaǵy qonaqúıler 95-98 paıyzǵa tolǵan. Tek hostelderdiń 30 paıyzy bos tur.
Halyqqa qyzmet kórsetý ortalyqtarynda 21-26 qyrkúıek aralyǵynda reseılik azamattardan jeke sáıkestendirý nómirin (JSN) alý úshin 931 ótinish túsken. Bir ǵana 26 qyrkúıek kúni 508 ótinish qabyldanypty. Adamdardyń mundaı nópirine shydamaǵan Pavlodardaǵy №3 HQO qosymsha 7 qyzmet kórsetý ústelin quryp, rezıdent emes tulǵalardy jeke qabyldaýda. Kóshi-qon qyzmetterinde osy kúnderi 437 reseılik ýaqytsha tirkelgen.
Pavlodar oblysy