Elimizge Reseı azamattarynyń jappaı kelýine baılanysty shekarada qalyp qoıǵan qazaqstandyqtar úshin «jasyl dálizder» jasalady. Bul týraly Saýda jáne ıntegrasııa mınıstri Serik Jumanǵarın málimdedi, dep habarlaıdy Egemen.kz.
«Keshe men Reseı Federasııasynyń vıse-premerimen kelissózder júrgizdim, sebebi shekaranyń arǵy jaǵynda reseıliktermen qatar Qazaqstan azamattary da elge kire almaı tur. Azyq-túlik tıelgen júk kólikteri de bar. Reseılik áriptesim tıisti jaǵdaı jasady, búgin shekara qyzmetteri bir-birimen sóılesedi. Biz eń aldymen óz azamattarymyz ben azyq-túlik mashınalary úshin «jasyl dálizderdi» qamtamasyz etýge tyrysamyz», dep jaýap berdi Serik Jumanǵarın Senattyń jalpy otyrysyndaǵy jýrnalısterdiń suraqtaryna.
Memlekettik shekaradaǵy ótkizý pýnktterinde «jasyl dálizderdi» 29-30 qyrkúıek aralyǵynda uıymdastyrý josparlanýda.