Kýveıttiń KUNA aqparat agenttiginiń habarlaýynsha, daýys berý prosesi jergilikti ýaqyt boıynsha saǵat 09:00-de bastalyp, 21:00-ge deıin jalǵasady, dep jazady Egemen.kz.
Barlyǵy 795 911 daýys berýshi 305 kandıdattyń ishinen 50 depýtatty saılaıdy.
Aıta ketý kerek, Kýveıt Ulttyq assambleıasy 1963 jyly 23 qańtarda quryǵan. Munda depýtattardyń ókilettik merzimi tórt jyl. Zań shyǵarýshy organ tikeleı jalpyǵa birdeı saılaý quqyǵymen saılanatyn 50 depýtattan turady. Saılaý ádette 5 saılaý okrýginde ótedi. Joǵarǵy zań shyǵarýshy organǵa ár okrýgten 10 ókil saılanady.
2012 jyldyń sońyna deıin árbir saılaýshy 4 kandıdatqa daýys berý quqyǵyna ıe bolǵan. Biraq búginde daýys berý quqyǵy ár adamǵa bir daýyspen shekteledi.
Kýveıtte daýys berý jasy - 21. Bul rette áskerılerdiń daýys berýge quqyǵy joq.