Atyraý oblysyndaǵy tas joldyń birinde jol apatynan bir adam qaza taýyp, bes adam zardap shekti, dep habarlaıdy Egemen.kz.
Atyraý oblysy IID baspasóz qyzmeti habarlaǵandaı, qaıǵyly oqıǵa respýblıkalyq mańyzy bar Aqtóbe-Atyraý-Astrahan tas jolynyń 548-shaqyrymynda bolǵan.
«Ford Tranzıt» kóliginiń 1956 jyly týǵan júrgizýshisi rýlge ıe bola almaı, qarsy baǵytta kele jatqan «Ýral» jáne «Lada» kólikterimen soqtyǵysqan. Oqıǵa saldarynan «Ford Tranzıt» kóliginiń 1967 jyly týǵan jolaýshysy oqıǵa ornynda kóz jumdy, 5 adam túrli dene jaraqattarymen oblystyq aýrýhanaǵa jetkizildi.