Júrgizýshi polıseıdiń «toqta» degen buıryǵyna baǵynbaı, qutylýǵa tyrysqan. Nátıjesinde birneshe kólik qaqtyǵysyp, jappaı jol apaty bolǵan, dep habarlaıdy Egemen.kz.
Tólebı aýdandyq polısııa bóliminiń polıseıleri mas kúıinde rýlge otyrǵan VAZ-2103 kóliginiń júrgizýshisin baıqaǵan. Osy kezde júrgizýshi toqtaýdyń ornyna jyldamdyǵyn arttyryp, qashýǵa árekettengen. Keıin kólik basqa kóliktermen soqtyǵysqan.
Oqıǵa saldarynan «VAZ-2103» kóliginiń júrgizýshisi oqıǵa ornynda kóz jumdy, onyń jolaýshysy men «Aýdı 100» kóliginiń júrgizýshisi túrli dene jaraqattarymen aýrýhanaǵa jetkizildi. Apatqa baılanysty birqatar saraptama taǵaıyndaldy.
Qaıtys bolǵan júrgizýshiniń týystary jol apatyna baılanysty polısııaǵa shaǵym túsirgen. Olardyń ótinishi birden tirkeldi. Túrkistan oblysy IID ishki qaýipsizdik basqarmasy qyzmettik tekseris júrgizip jatyr.
Oqıǵanyń sebepteri men mán-jaıyn anyqtaý boıynsha keshendi tergeý sharalary júrgizilýde. Tergeý qorytyndysy boıynsha tıisti sheshim qabyldanady.