Prezıdent Qaraǵandy oblysyna jumys sapary barysynda turmystyq tehnıka shyǵaratyn «Silk Road Electronics» jáne kólik dóńgelegin shyǵaratyn «KamaTyresKZ» zaýyttarynyń jáne ónim túrlerimen tanysty, dep habarlaıdy Egemen.kz Aqordaǵa silteme jasap.
«KamaTyresKZ» dóńgelek zaýytyn bıyl jyl sońyna deıin iske qosý josparlanǵan. Kásiporyn bastapqy kezde jeńil jáne jeńil júk kólikterine arnalǵan dóńgelekter shyǵarady. Keıin jobanyń ekinshi kezeńinde transporter, konveıer lentasy sııaqty rezınatehnıkalyq buıymdar, al úshinshi kezeńinde aýyl sharýashylyǵy tehnıkasy dóńgelekterin óndire bastaıdy. Zaýyttyń jobalyq qýaty jylyna 3,5 mıllıon dóńgelek shyǵarýǵa eseptelgen.
Qazirgi kezde zaýyt seriktesterimen birlesip, ózine qajetti mamandardy daıarlaýǵa kirisken. Saran gýmanıtarlyq-tehnıkalyq kolledjinde 68 adam «Rezına tehnıkalyq buıymdar» jáne «Shına óndirisi» mamandyǵyn ıgerýdi bastady.
Al qurylysy eki jyldan keıin aıaqtalýǵa tıis «Silk Road Electronics» zaýyty jyl saıyn teledıdar, elektr sýjylytqysh, shańsorǵysh, asúı plıtasy men jeldetkish sekildi turmystyq tehnıkalardy shyǵarady.
Zaýyttyń bolashaq ónimderi qoıylǵan shaǵyn kórmeni aralap shyqqannan keıin Memleket basshysy zaýyt basshylyǵymen áńgimelesti.