Memleket basshysy álemdik geosaıası ózgeristerge baılanysty Eýropalyq Odaq kómirdi qoldaný konsepsııasyna qaıta orala bastaǵany jaıly aıtty, dep habarlaıdy Egemen.kz.
«Elimizdiń energetıkalyq balansynda kómir mańyzdy oryn alady, ol 70 paıyzdan asady. Eýropalyq Odaq halyqaralyq arenadaǵy geosaıası ózgeristerge baılanysty kómirdi qoldaný konsepsııasyna qaıta orala bastady. Qazir biz kómirdi paıdalanýdan bas tartpaımyz. Biraq elektr stansııasy jumysynyń nátıjesinde atmosferaǵa bólinetin kómir massasynyń shyǵaryndylaryn eń az mólsherge deıin azaıtýǵa múmkindik beretin ozyq tehnologııalar bar», dedi Prezıdent.
Sondaı-aq osy úzdik tehnologııalardy bizdiń óndiriste mindetti túrde qoldaný keregin eske saldy.
«Jalpy, Qazaqstanǵa qosymsha elektr energııasy qajet ekenin aıtqym keledi. Bul – fakt. Oǵan qosa, sharyqtaý kezinde bizde energetıka tapshylyǵy seziledi. Buǵan jol berýge bolmaıdy», dedi Qasym-Jomart Kemeluly.